સોશિયલ મીડિયામાં હાર્દિક પંડ્યાએ પોતાની સગાઈની તસવીરો અપલોડ કરી હતી અને તેના પર અભિનંદન આપતા કુલદીપે લખ્યું હતું કે ‘લાખ લાખ અભિનંદન.’ હાર્દિક પંડ્યાની સગાઈ તસવીરોએ બધાંને ચોંકાવી દીધા હતા ત્યારે આ તસવીરો સોશિયલ મીડિયામાં બહુ જ વાયરલ થઈ હતી.
કુલદીપની આ કોમેન્ટ પર ચહલે લખ્યું હતું કે, હવે તારો વારો. આને લઈને તેમના ચાહકોએ પણ બંનેની ફિરકી લીધી હતી. ઉલ્લેખનીય છે કે, હાર્દિક પંડ્યાએ સગાઈની તસવીરો ઈન્સ્ટાગ્રામ પર શેર કરતા લખ્યું હતું કે, મેં તેરા, તું મેરી, જાને સારા હિંદુસ્તાન. આ સાથે હાર્દિકે સગાઈની તારીખ 1-1-2020 જણાવી હતી.
હાર્દિકને ભારતીય ટીમના સુકાની વિરાટ કોહલીએ પણ અભિનંદન પાઠવ્યા હતા. કોહલીએ કોમેન્ટ લખી હતી કે, અભિનંદન હાર્દિક, આ શાનદાર સરપ્રાઈઝ છે. તમને બંનેને ભવિષ્ય માટે શુભેચ્છાઓ. હાર્દિકે દરિયા વચ્ચે ક્રુઝ પર નતાશાને પ્રપોઝ કર્યું હતું.