હાર્દિક પંડ્યાનો નવો લુક થયો વાયરલ, લોકોએ કહ્યું- જોકર જેવો લાગે છે...

શનિવારે પંડ્યાએ ટ્વીટર પર પોતાના નવા લુકની કેટલીક તસ્વીરો પોસ્ટ કરી. આ પોસ્ટને જલ્દી જ હજારોની સંખ્યાની લાઈક્સ મળી. તો 1500થી વધારે લોકોએ તેને રિટ્વીટ કરી. જ્યાં કેટલાક લોકોએ પંડ્યાના આ નવા લુકને પસંદ કર્યો તો કેટલાકે તેના પર ખૂબ નિશાના સાધ્યા.

બીસીસીઆઈ તરફથી કહેવામાં આવ્યું છે કે હાલના વર્કલોડ અને ઈજાથી બચાવવા માટે તેને ટેસ્ટ સીરીઝ પહેલા આરામ આપવામાં આવ્યો છે. આ દરમિયાન હાર્દિક પંડ્યા બેંગલુરુ સ્થિત નેશનલ ક્રિકેટ એકેડમીમાં કંડીશનિંગ કેમ્પમાં ભાગ લેશે. ભારત અને શ્રીલંકા વચ્ચે સીરીઝની પહેલી મેચ 16 નવેમ્બરે કોલકાતાના ઈડન ગાર્ડનમાં રમાશે.

ઉલ્લેખનીય છે કે શ્રીલંકા સામેની ટેસ્ટ સીરીઝ પહેલા બે મેચોમાં હાર્દિક પંડ્યાને ભારતીય ટીમમાં સ્થાન નથી મળ્યું. ભારતીય ક્રિકેટ કંટ્રોલ બોર્ડ તરફથી જારી કરાયેલા નિવેદનમાં કહેવામાં આવ્યું છે કે સતત ઈન્ટરનેશનલ ક્રિકેટ રમવાના કારણે પંસદગીકર્તાઓએ તેને આરામ આપ્યો છે.

હાર્દિક પંડ્યા ખૂબ જ ઓછા સમયમાં ઇન્ટરનેશનલ ક્રિકેટ કારકિર્દીમાં ટીમ ઇન્ડિયાનો ખાસ સભ્ય બની ગોય છે. બોલ અને બેટિંગથી શાનદાર પ્રદર્શન કરવા ઉપરાંત હાર્દિક મેદાન અને મેદાનની બહાર પોતાના લુક માટે પણ ઓળખાય છે. પોતાની બિન્દાસ શૈલીને કારણે યુવાઓનો સ્ટાઈલ આઈકોન બનવા જઈ રહ્યો છે.