ICC Rankings: 10 વર્ષ પછી આ ભારતીય ખેલાડીએ બોલર તરીકે મેળવ્યા સૌથી વધારે પોઈન્ટ

બીજી તરફ ભારતીય લેગ સ્પિનર યુજવેન્દ્ર ચહલે આઈસીસી રેન્કિંગમાં ટોપ-10માં સ્થાન બનાવ્યું છે. ચહલે કારકિર્દીમાં પ્રથમ વખત ટોપ-10માં સ્થાન બનાવ્યું છે. તે ત્રણ ક્રમ ઉપર ચડીનેઆઠમાં સ્થાને પહોંચી ગયો છે. કુલદીપ યાદવ 723 રેટિંગ સાથે ત્રીજા સ્થાને છે. જાડેજા 16 સ્થાનના છલાંગ સાથે 25માં સ્થાને આવી ગયો છે.

બોલિંગમાં ભારતનો જસપ્રીત બુમરાહ નંબર વન પર યથાવત્ છે. તેણે કારકિર્દીના સર્વશ્રેષ્ઠ 841 રેટિંગ મેળવ્યા છે. જે દક્ષિણ આફ્રિકાના શોલોકના 894 રેટિંગ પછી સૌથી વધારે છે. પોલોકે 2008માં આ રેટિંગ મેળવ્યા હતા. આમ 10 વર્ષ પછી કોઈ બોલર આટલા રેટિંગ મેળવવામાં સફળ રહ્યો છે.

નવી દિલ્હીઃ ભારતીય લેગ સ્પિનર યુજવેન્દ્ર ચહલે આઈસીસી વનડે રેન્કિંગમાં ટોચના 10 ખેલાડીમાં સ્થાન મેળવ્યું છે, જ્યારે શિખર ધવને વેસ્ટ ઇન્ડીઝ વિરૂદ્ધ ઘરેલુ શ્રેણીમાં નબળું પ્રદર્શન કરતાં યાદીમાં ચાર ક્રમ નીચે ધકેલાઈ ગયા છે. વિરાટ કોહલીએ વેસ્ટ ઇન્ડીઝ સામેની શ્રેણીમાં 453 રન બનાવી નંબર વન તરીકે પોતાનું સ્થાન મજબુત બનાવ્યું છે. નવા રેન્કિંગમાં કોહલીએ 15 પોઇન્ટ મેળવ્યા છે અને તેના 899 પોઇન્ટ થઈ ગયા છે. તે બીજા ક્રમે રહેલા ભારતના રોહિત શર્મા કરતા 28 પોઇન્ટ આગળ પહોંચી ગયો છે. રોહિત 871 રેટિંગ સાથે બીજા ક્રમે છે, આ તેનું સર્વશ્રેષ્ઠ રેટિંગ છે.