આજે અંડર-19 વર્લ્ડ કપ સેમીફાઈનલ મેચ રમાવવાની છે. જેમાં ભારત અને પાકિસ્તાન વચ્ચે ટક્કર થશે. બંને ટીમો માટે આ ‘કરો યા મરો’ની સ્થિતિ છે. જે પણ ટીમ આ મેચ જીતશે તે ખિતાબ જીતવા નજીક પહોંચશે. જ્યારે પરાજય મેળવનાર ટીમ ટુર્નામેન્ટમાંથી બહાર થઈ જશે.
ભારત અને પાકિસ્તાની ટીમ જ્યારે પણ ક્રિકેટ મેચ રમે છે તે ખૂબ જ રોમાંચક હોય છે. મંગળવારે બંને ટીમો વચ્ચે અંડર-19 વર્લ્ડ કપની પહેલી સેમીફાઈનલ મેચ રમાશે.
અત્યાર સુધી અંડર-19 વર્લ્ડ કપમાં ભારત અને પાકિસ્તાન વચ્ચે 9 વખત મેચ રમાઈ ચૂકી છે. જેમાંથી 5 વખત પાકિસ્તાન અને 4 વખત ભારતે મેચ જીતી છે. અંડર 19 વર્લ્ડ કપમાં ભારત અને પાકિસ્તાન વચ્ચે 1988થી લઈને 2018 (1988, 1998, 2002, 2004, 2006, 2010, 2012, 2014 અને 2018) સુધી કુલ 9 મેચ રમાઈ છે.