ભારતે સતત 9 વનડે સીરીઝ જીતીને પોતાના નામે કર્યો આ રેકોર્ડ, જાણો કોણ છે ટૉપ પર

સતત બાયલેટરલ સીરીઝ જીતવાનો રેકોર્ડ- 15 વનડે- વેસ્ટ ઇન્ડિઝ (1980-1988), 9 વનડે - ભારત (2016 થી લઇ કન્ટીન્યૂ), 8 વનડે- ઓસ્ટ્રેલિયા (2009-10), 7 વનડે- પાકિસ્તાન (2011-2012).

ટીમ ઇન્ડિયાની સતત 9 બાયલેટરલ વનડે સીરીઝ જીતવાનો સિલસિલો 2016માં ઝિમ્બાબ્વેથી શરૂ થયો હતો, ત્યારબાદ ભારતીય ટીમે ન્યૂઝીલેન્ડ (2016), ઇગ્લેન્ડ, વેસ્ટ ઇન્ડિઝ, શ્રીલંકા, ઓસ્ટ્રેલિયા, ન્યૂઝીલેન્ડ, શ્રીલંકા (2017) પછી સાઉથ આફ્રિકાને ધમરોળીને આ ખાસ સિદ્ધિ હાંસલ કરી છે.

સતત સૌથી વધુ દ્વિવપક્ષીય વનડે સીરીઝ જીતવાની વાત કરીએ તો આ વર્લ્ડ રેકોર્ડ વેસ્ટઇન્ડિઝના નામે છે, જેને મે 1980 થી માર્ચ 1988 દરમિયાન સતત 15 સીરીઝ પર કબ્જો જમાવ્યો હતો. હવે ટીમ ઇન્ડિયા સતત 9 સીરીઝ જીતીને બીજા સ્થાન પર પહોંચી ગઇ છે જ્યારે ઓસ્ટ્રેલિયા (8) ત્રીજા નંબર પર છે.

નવી દિલ્હીઃ વિરાટ કોહલીએ સાઉથ આફ્રિકા સામે પાંચમી વનડે જીતીને હાલની સીરીઝમાં 4-1માં અજેય લીડ મેળવી લીધી છે. આની સાથે ટીમ ઇન્ડિયાએ 26 વર્ષમાં પહેલીવાર સાઉથ આફ્રિકન ધરતી પર વનડે સીરીઝ જીતીને માત્ર ઇતિહાસ જ નથી રચ્યો પણ સતત 9 બાયલેટરલ (દ્વિપક્ષીય) વનડે સીરીઝ જીતીને ઓસ્ટ્રેલિયાને પાછળ પાડી દીધું છે.