ટીમ ઈન્ડિયા પહોંચી ન્યૂઝિલેન્ડ, અનુષ્કા શર્મા પણ છે વિરાટ કોહલીની સાથે, જુઓ તસવીરો

ભારત ન્યૂઝિલેન્ડમાં 5 વન ડે અને 3 ટી20 મેચ રમશે. પ્રથમ વન ડે 23 જાન્યુઆરીએ, બીજી વન ડે 26 જાન્યુઆરીએ, ત્રીજી વન ડે 28 જાન્યુઆરીએ, ચોથી વન ડે 31 જાન્યુઆરીએ અને પાંચમી તથા અંતિમ વન ડે 3 ફેબ્રુઆરીના રોજ રમાશે. આ તમામ મેચો ભારતીય સમય પ્રમાણે સવારે 7.30 કલાકે શરૂ થશે.

ઓસ્ટ્રેલિયા પ્રવાસમાં ટીમ ઈન્ડિયાની સાથે કેપ્ટન વિરાટ કોહલીની પત્ની અનુષ્કા શર્મા પણ જોવા મળી હતી. ન્યૂઝિલેન્ડ પ્રવાસમાં પણ તે ભારતીય ટીમની સાથે છે.

વન ડે શ્રેણી સમાપ્ત થયા બાદ T20 શ્રેણી રમાશે. પ્રથમ ટી20 6 ફેબ્રુઆરીએ, બીજી ટી20 8 ફેબ્રુઆરીએ અને ત્રીજી ટી20 10 ફેબ્રુઆરીએ રમાશે. પ્રથમ અને ત્રીજી ટી20 બપોરે 12.30 કલાકે જ્યારે બીજી ટી20 11.30 કલાકે શરૂ થશે.

ઓકલેન્ડઃ ઓસ્ટ્રેલિયામાં ઐતિહાસિક ટેસ્ટ અને વન ડે શ્રેણી જીત્યા બાદ ટીમ ઈન્ડિયા ન્યૂઝિલેન્ડ પ્રવાસ પર પહોંચી ગઈ છે. ઓકલેન્ડના એરપોર્ટ પર ટીમ ઈન્ડિયાનું ભવ્ય સ્વાગત કરવામાં આવ્યું હતું.