INDvAFG LIVE: ભારતના 474 સામે આફઘાનિસ્તાનની 90 રન 9 વિકેટ, અશ્વિને ઝડપી 4 વિકેટ
બેગ્લુંરુઃ ભારત અને આફઘાનિસ્તાન વચ્ચેની ઐતિહાસિક ટેસ્ટ મેચમાં ભારતીય બૉલર્સ સામે આફઘાનિસ્તાનના બેટ્સમેનો પાંગળા પુરવાર થયા છે. 50 રનના સ્કૉરે 4 વિકેટ ગુમાવી દીધી છે. ઇશાંત શર્મા અને ઉમેશ યાદવે શાનદાર બૉલિંગનું પ્રદર્શન કર્યું છે.
મોહમ્મદ શહજાદ (14 રન), જાવેદ અહમદી (1 રન), રહમત શાહ (14 રન) અને અફસર જજાઇ (6 રન) પેવેલિયન ભેગા થઇ ચૂક્યા છે.
આફઘાનિસ્તાની ટીમઃ મોહમ્મદ શહજાદ, જાવેદ અહમદી, રહમત શાહ, અસગર સ્ટેનિકાજઇ (કેપ્ટન), અફસર જજાઇ (વિકેટ કિપર), મોહમ્મદ નબી, હશમતુલ્લા શાહિદી, રાશિદ ખાન, મુઝીબ ઉર રહેમાન, યામિન અહેમદજાઇ, વફાદાર.
ભારતીય ટીમઃ શિખર ધવન, મુરલી વિજય, ચેતેશ્વર પુજારા, અંજિક્યે રહાણે (કેપ્ટન), લોકેશ રાહુલ, દિનેશ કાર્તિક (વિકેટ કિપર), હાર્દિક પંડ્યા, રવિચંદ્રન અશ્વિન, રવિન્દ્ર જાડેજા, ઇશાંત શર્મા, ઉમેશ યાદવ.
આફઘાનિસ્તાન તરફથી યામીન અહમદજાઇ સૌથી વધુ ત્રણ વિકેટ ઝડપી હતી, જ્યારે વફાદાર અને રશિદ ખાને 2-2 વિકેટ ઝડપી હતી. આ ઉપરાંત મોહમ્મદ નબી અને મઝીબ રહેમાનને 1-1 વિકેટ મળી હતી.
ટીમ ઇન્ડિયા તરફથી પહેલા દિવસે મુરલી વિજય 105, શિખર ધવન 107 અને કે.એલ.રાહુલે 54 રન બનાવ્યાં હતા. મુરલી વિજયની આ 12મી સેન્ચુરી છે. તો ધવને ટેસ્ટ ક્રિકેટમાં 7મી સદી ફટકારી છે. તે ટેસ્ટના પહેલાં દિવસે જ લંચથી પહેલાં સદી બનાવનાર પહેલાં ભારતીય બની ગયા છે. ચેતેશ્વર પુજારા 35 રન બનાવીને આઉટ થયાં છે. દિનેશ કાર્તિક 4 રન બનાવીને આઉટ થયા છે.
ભારતે પહેલી બેટિંગ કરતાં 6 વિકેટના નુકસાન પર 347 રન બનાવ્યાં હતા. બીજા દિવસની શરૂઆતમાં ભારતે 104.5 ઓવરમાં 474 રન બનાવીને ઓલ આઉટ થયા છે. બીજા દિવસે ભારત તરફથી હાર્દિક પંડ્યાએ આક્રમક 71 રન બનાવ્યા હતા.
આજની મેચ બેગ્લુંરુના એમ ચિન્નાસ્વામી સ્ટેડિયમમાં રમાઇ રહી છે. ટૉસ જીતીને પહેલા બેટિંગ કરવા ઉતરેલી ટીમ ઇન્ડિયાએ પોતાની પહેલી ઇનિંગમાં આફઘાનિસ્તાનની સામે 474 રનોનો વિશાળ સ્કૉર ખડક્યો છે. લક્ષ્યનો પીછો કરવા ઉતરેલી ટીમ આફઘાનિસ્તાને નબળી શરૂઆત કરતાં શરૂઆતી વિકેટો ગુમાવી દીધી હતી.