INDvAUS: રવિવારે રોહિત શર્મા પાસે છે વધુ એક મોટો રેકોર્ડ બનાવવાની તક, જાણો વિગત

વેસ્ટ ઈન્ડિઝનો ક્રિસ ગેલ 52 ઈનિંગમાં 103 સિક્સ ફટકારીને પ્રથમ નંબર પર છે. ન્યૂઝીલેન્ડનો માર્ટિન ગુપ્ટિલ 73 ઈનિંગમાં 103 સિક્સ મારીને બીજા નંબર પર છે.

રોહિત શર્મા પાસે આંતરરાષ્ટ્રીય ક્રિકેટના સૌથી ટૂંકા ફોર્મેટ T20માં સિક્સરની સદી ફટકારવાની તક છે. રોહિત અત્યાર સુધીમાં 81 ઈનિંગમાં 96 સિક્સ મારી ચુક્યો છે અને સૌથી વધારે સિક્સ મારવાની યાદીમાં ત્રીજા નંબર પર છે.

સિડનીઃ રવિવારે ભારત-ઓસ્ટ્રેલિયા વચ્ચે T20 શ્રેણીની ત્રીજી અને અંતિમ મેચ રમાશે. જેમાં ભારતીય ક્રિકેટ ટીમના વિસ્ફોટક ઓપનર રોહિત શર્મા પાસે એલાઇટ પ્લેયર્સના લિસ્ટમાં સામેલ થવાનો સોનેરી મોકો છે.