ભારત સામેની વન-ડે સીરિઝ માટે ન્યૂઝીલેન્ડના અમુક ખેલાડી અનફિટ છે. ઈજાઓના કારણે ત્રણ ખેલાડી આગામી મેચ રમી શકે તેમ નથી ત્યારે હવે આ ન્યૂઝીલેન્ડને ટીમમાં નવા ખેલાડીઓને સામેલ કરવાની ફરજ પડી છે. નવા સામેલ થનાર ખેલાડીઓમાં ન્યૂઝીલેન્ડના સૌથી ઊંચા બોલર કાયલી જેમ્સનને ટીમમાં સામેલ કરવાનો નિર્ણય લેવામાં આવી શકે છે.
જેમ્સનની ઊંચાઈ 6 ફૂટ 8 ઈંચ છે. આ ખેલાડીએ આજ સુધી આંતરરાષ્ટ્રીય મેચ રમી નથી. માનવામાં આવી રહ્યું છે કે, આ ખેલાડીને ભારત વિરૂદ્ધ મેદાનમાં ઉતારે તેવી શક્યતા છે. વન-ડે સીરિઝની શરૂઆત 5મી ફેબ્રુઆરીના રોજ થવાની છે. ન્યૂઝીલેન્ડના કોચ કરતાં પણ વધુ ઊંચાઈ હોવાથી જેમીસનને ‘ટૂ મીટર પીટર’ અને ‘Killa’ પણ કહેવામાં આવે છે. હાલમાં જ ઈન્ડિયા એ ટીમ સામેની મેચમાં આ ખેલાડીએ ખુબ સારું પ્રદર્શન કર્યું હતું.
ન્યૂઝીલેન્ડના હેડ કોચે સ્વીકાર્યું હતું કે, તેમની ટીમ વર્લ્ડ કપ ફાઈનલમાં જે બેટિંગ કોમ્બીનેશન સાથે રમી તે જ કોમ્બીનેશન સાથે મેદાનમાં ઉતારી શકે છે. બોલિંગની વાત કરીએ તો ટિમ સાઉથી બોલર્સની આગેવાની કરશે. દુનિયાના શ્રેષ્ઠ બેટ્સમેનની સામે આક્રમક બોલિંગ માટે નવા બોલર્સનો સમાવેશ કરવામાં આવશે.