દક્ષિણ આફ્રિકા સામે પ્રથમ ટેસ્ટમાં ટીમ ઈન્ડિયાની શાનદાર જીતના આ રહ્યા હીરો, જાણો વિગતે

રવિન્દ્ર જાડેજાઃ સ્પિન ઓલરાઉન્ડરે મેચમાં બેટિંગ અને બોલિંગમાં કૌશલ્ય બતાવ્યું હતું. પ્રથમ ઈનિંગમાં તેણે અણનમ 30 રન બનાવવાની સાથે 2 વિકેટ લીધી હતી. જેમાં તેણે સાઉથ આફ્રિકાના ટોપ સ્કોરર ડીન એલગરને 160 રને આઉટ કર્યો હતો. જ્યારે બીજી ઈનિંગમાં 40 રન બનાવવાની સાથે 87 રનમાં 4 વિકેટ લીધી હતી.

વિશાખાપટ્ટનમઃ ભારતે ત્રણ ટેસ્ટ સીરિઝની પ્રથમ ટેસ્ટમાં વિશખાપટ્ટનમ ખાતે દક્ષિણ આફ્રિકાને 203 રને હરાવ્યું હતું. આ સાથે ભારતે 1-0ની લીડ મેળવી લીધી છે. ચોથા દાવમાં 395 રનનો પીછો કરતાં દક્ષિણ આફ્રિકા 191 રનમાં ઓલઆઉટ થયું હતું. ભારત માટે મોહમ્મદ શમીએ 5, રવિન્દ્ર જાડેજાએ 4 વિકેટ, મોહમ્મદ શમીએ 3 વિકેટ અને રવિચંદ્રન અશ્વિને 1 વિકેટ લીધી હતી. સીરિઝની બીજી મેચ 10 ઓક્ટોબરના રોજ પુણેમાં રમાશે. ભારતની પ્રથમ ઈનિંગમાં અશ્વિને 7 વિકેટ લીધી હતી, જ્યારે બીજી ઈનિંગમાં પૂજારાએ મહત્વપૂર્ણ 81 રનની ઈનિંગ રમી હતી. ટીમ ઈન્ડિયાની જીતમાં આ ખેલાડીઓનો મુખ્ય ફાળો રહ્યો હતો.

મયંક અગ્રવાલઃ ટેસ્ટમાં રોહિત શર્માના ઓપનિંગ સાથી મયંક અગ્રવાલે પ્રથમ ઈનિંગમાં 215 રનની શાનદાર ઈનિંગ રમી હતી. રોહિત સાથે તેણે પ્રથમ વિકેટ માટે 317 રનની ભાગીદારી કરી હતી. જેના કારણે ભારત પ્રથમ ઈનિંગમાં મોટો સ્કોર કરી શક્યું હતું.

મોહમ્મદ શમીઃ શમીએ બીજી ઈનિંગમાં 10.5 ઓવરમાં 35 રનમાં 5 વિકેટ લીધી હતી. જેમાંથી 4 બેટ્સમેનોને તેણે બોલ્ડ કર્યા હતા. તે જસપ્રીત બુમરાહ સાઉથ આફ્રિકા સામે આ ઉપલબ્ધિ મેળવનારા બે ખેલાડી છે.

રોહિત શર્માઃ રોહિત શર્માએ સાઉથ આફ્રિકા સામે ટેસ્ટની પ્રથમ ઈનિંગમાં 176 બનાવ્યા હતા. જેમાં તેણે 23 ચોગ્ગા અને છ ગગનચૂંબી છગ્ગા ફટકાર્યા હતા. જ્યારે બીજી ઈનિંગમાં 127 રન બનાવ્યા હતા. આ ઈનિંગમાં તેણે 10 ચોગ્ગા અને સાત તોતિંગ છગ્ગા લગાવ્યા હતા. આ રીતે મેચમાં તેણે 13 સિક્સર ઠોકી હતી. બંને ઈનિંગમાં મળી તેણે 303 રન બનાવ્યા હતા. રોહિત શર્માને તેના શાનદાર પ્રદર્શન માટે પ્લેયર ઓફ ધ મેચનો એવોર્ડ આપવામાં આવ્યો હતો.