મોહાલીઃ સાઉથ આફ્રિકા સામેની બીજી ટી-20 મેચમાં ટીમ ઇન્ડિયાનો સાત વિકેટથી વિજય થયો હતો. . 150 રનના ટાર્ગેટને હાંસલ કરવા મેદાને ઉતરેલી ટીમ ઈન્ડિયાએ 19 ઓવરમાં 3 વિકેટ ગુમાવીને મેચ જીતી હતી. કોહલી 72 અને શ્રેયસ 16 રને અણનમ રહ્યા હતા. ધવને 40 રન બનાવ્યા હતા. જીત સાથે ટીમ ઈન્ડિયા 3 મેચની સીરિઝમાં 1-0થી આગળ થઈ ગઈ છે.
આ મેચમાં એક રસપ્રદ ઘટના જોવા મળી હતી. ક્રિકેટનો એક ચાહક ચાલુ મેચ દરમિયાન પિચ સુધી પહોંચી જતા થોડા સમય સુધી મેચ રોકી દેવામાં આવી હતી. આ વ્યક્તિએ ભારતીય ક્રિકેટરો સાથે હાથ મિલાવવાનો પ્રયાસ કર્યો હતો. તે બોલર નવદીપ સૈની સાથે હાથ મિલાવવાનો પ્રયાસ કરી રહ્યો હતો ત્યારે તેને પકડી લેવામાં આવ્યો હતો. આ ઘટના સાઉથ આફ્રિકાની ઇનિંગ દરમિયાન બની હતી. પિચ સુધી દોડી આવેલા વ્યક્તિને પકડીને સિક્યોરિટી ગાર્ડ્સ તેને મેદાન બહાર લઇ ગયા હતા.
