બિપિન રાવતે મીડિયા સાથે વાતચીત દરમિયાન કહ્યું કે ધોની સેના સાથે ડ્યૂટી કરવા માટે સંપૂર્ણ રીતે તૈયાર છે. ધોની અન્ય જવાનોની જેમ એક રક્ષકની ભૂમિકા નિભાવશે. તેઓએ કહ્યું “જ્યારે એક ભારતીય નાગરિક સેનાની વર્દી પહેરી લે છે ત્યારે વર્દી સાથે જોડાયેલા કામો કરવા માટે તૈયાર રહેવું પડે છે. ધોનીએ પોતાની બેઝિક ટ્રેનિંગ કરી છે અને અમને ખબર છે કે તે પોતાનું કામ પૂરું કરશે. મને નથી લાગતું કે અમારે તેમની સુરક્ષા આપવાની જરૂર છે.”
જનરલ રાવતે વધુમાં કહ્યું કે ધોની 106 ટેરિટોરિયલ આર્મી બટાલિયન (પેરા) સાથે કામ કરશે. ધોનીની ડ્યૂટી અંગે વાત કરતા કહ્યું કે તે કમ્યુનિકેશન ડ્યૂટી, સ્ટેટિક પ્રોટેક્શનની જવાબદારી સંભાળશે. આ સિવાય પેટ્રોલિંગ, ગાર્ડ અને પોસ્ટ ડ્યૂટીની જવાબદારી પણ સંભાળશે.