ગુજરાતના ક્યા યુવા ક્રિકેટરનું શ્રીલંકામાં સ્વિમિંગ પુલમાં ડૂબી જવાથી થયું મોત? જાણો વિગત

પોલીસે ઉમેર્યું હતું કે ચાર યુવાનો સ્વિમિંગ પુલમાં ગયા હતા જેમાંથી એકનું ડૂબી જવાથી મરણ થયું હતું. ડૂબેલા ક્રિકેટરને પામુનુગામાની હોસ્પિટલમાં લઈ જવાયો હતો જ્યાં તેને મૃત જાહેર કરાયો હતો. તેનું હાલમાં પોસ્ટમોર્ટમ તથા અન્ય તપાસ ચાલી રહી છે. પોલીસે આ મામલે આગળ તપાસ હાથ ધરી છે.

શ્રીલંકન પોલીસના અહેવાલ મુજબ કોલંબો નજીક પામુનુગામાની હોટેલમાં મંગળવારે સાંજના સમયે કેટલાક ક્રિકેટર સ્વિમિંગ પુલમાં હતા ત્યારે 12 વર્ષનો ક્રિકેટર ડૂબી ગયો હોવાની ઘટના બની હતી.

આ અંગે તેમણે વધુમાં જણાવ્યું હતું કે સામાન્ય રીતે શહેરની કોઈ ટીમ વિદેશ પ્રવાસે જાય તો તેની અમને જાણ કરવામાં આવતી હોય છે પરંતુ કોઈ ખાનગી ટીમ આ રીતનો પ્રવાસ ખેડે તો તે અંગે જાણ કરાતી હોતી નથી.

જોકે આ મામલે ગુજરાત ક્રિકેટ એસોસિયેશનના સૂત્રોએ જણાવ્યું કે અમારા એસોસિયેશન તરફથી કોઈ ટીમ કે ખેલાડી શ્રીલંકા ગયો નથી. કોઈ ખાનગી ક્લબ કે સંસ્થાની ટીમ શ્રીલંકા ગઈ હોય તો તે અંગે અમને કોઈ જાણ નથી. આમ અમે કોઈ સત્તાવાર ટીમ મોકલી નથી.

અમદાવાદઃ ગુજરાતના અંદર-17 ક્રિકેટ ટીમના 12 વર્ષના એક ખેલાડી નરેન્દ્ર સોઢાનું શ્રીલંકામાં મોત થયું છે. શ્રીલંકાની એક હોટેલના સ્વિમિંગ પુલમાંથી લાશ મળી હોવાના અહેવાલ સ્થાનિક મીડિયામાં પ્રકાશિત થયા છે. ભારતની અંડર-17 ટીમમાં અંદાજે 19 જેટલા ક્રિકેટ શ્રીલંકાના પવાસે ગયા હતા જેમાંથી ગુજરાતી ક્રિકેટરનું સ્વિમિંગ પૂલમાં ડૂબી જાત મોત થયું હતું.