માંચેસ્ટરઃ વર્લ્ડકપ 2019ની પ્રથમ સેમિ ફાઈનલમાં ન્યૂઝિલેન્ડે જીતવા આપેલા 240 રનના લક્ષ્યાંકનો પીછો કરતા ઉતરેલી ભારતીય ટીમની નબળી શરૂઆત રહી હતી. રોહિત શર્મા, લોકેશ રાહુલ, વિરાટ કોહલી માત્ર 1-1 રન બનાવી આઉટ થતાં ભારતનો સ્કોર 5 રન પર 3 વિકેટ થઈ ગયો હતો. 24 પર ટીમ ઈન્ડિયાએ ચોથી વિકેટ ગુમાવી ત્યારે ફેન્સ ટેન્શનમાં હતા. આ દરમિયાન જ્યારે ડ્રેસિંગરૂમમાં બધાની નજર ગઈ ત્યારે ચોંકી ગયા હતા.




ટીમ ઈન્ડિયાનો વિકેટકિપર બેટ્સમેન ધોની બેટ ચાવતો નજરે પડ્યો હતો. આ દરમિયાન ટીમ ઈન્ડિયાનો કોચ રવિ શાસ્ત્રી તેની પાસે આવે છે અને બંને વચ્ચે કંઈક વાત થાય છે. મહેન્દ્ર સિંહ ધોનીની આ તસવીર સોશિયલ મીડિયા પર વાયરલ થઈ હતી.


30.3 ઓવર પંડ્યા 32 રન બનાવી આઉટ થતાં ભારતે છઠ્ઠી વિકેટ ગુમાવી હતી. તેની સાથે  જ ટીમ ઈન્ડિયાની ફાઈનલમાં પહોંચવાની આશા પણ ખતમ થઈ ગઈ હતી.