INDvNZ: રોહિત શર્માએ ધોનીના મોટા રેકોર્ડની કરી બરાબરી, જાણો વિગત

રોહિત શર્મા અને ધોની બંને વન ડેમાં 215-215 સિક્સ મારી ચુક્યા છે. જે પછી સચિન તેંડુલકર 195 સિક્સ સાથે ત્રીજા, 189 સિક્સ સાથે સૌરવ ગાંગુલી ચોથા અને 153 સિક્સ સાથે યુવરાજ સિંહ પાંચમાં નંબર પર છે.

62 રનની ઈનિંગમાં રોહિત શર્માએ 3 ફોર અને 2 સિક્સ ફટકારી હતી. આ દરમિયાન તેણે ટીમ ઈન્ડિયાના વિકેટકિપર ધોનીના મોટા રેકોર્ડની બરાબરી કરી હતી. 2 સિક્સ મારવાની સાથે જ રોહિત શર્માએ મહેન્દ્ર સિંહ ધોની સાથે ભારત તરફથી સર્વાધિક સિક્સ મારવાનો રેકોર્ડ સંયુક્ત રીતે બનાવી લીધો છે.

નવી દિલ્હીઃ ન્યૂઝિલેન્ડ સામેની પાંચ વન ડે મેચની શ્રેણીની પ્રથમ ત્રણ મેચ જીતીને ભારતે શ્રેણી જીત નક્કી કરી લીધી છે. ન્યૂઝિલેન્ડે મેચ જીતવા આપેલા 244 રનનો લક્ષ્યાંક ટીમ ઈન્ડિયાએ 43 ઓવરમાં 3 વિકેટ ગુમાવીને હાંસલ કરી લીધો હતો. ભારત તરફથી રોહિત શર્માએ સર્વાધિક 62 રનનું યોગદાન આપ્યું હતું. કેપ્ટન વિરાટ કોહલીએ 60 રન બનાવ્યા હતા.