INDvWI: ટીમ ઈન્ડિયાએ 4 વર્ષ બાદ T20માં વિન્ડિઝને હરાવ્યું, કોલકાતામાં ભારતનો 5 વિકેટથી વિજય

કોલકાતાઃ ભારતીય ટીમે 17.5 ઓવરમાં 5 વિકેટ ગુમાવી વેસ્ટ ઈન્ડિઝે મેચ જીતવા આપેલા 110 રનના લક્ષ્યાંકને હાંસલ કરી લીધો હતો. દિનેશ કાર્તિક 31 રન બનાવી અણનમ રહ્યો હતો. તેણે ભારત તરફથી સર્વાધિક સ્કોર નોંધાવ્યો હતો. ડેબ્યૂ મેન કૃણાલ પંડ્યા પણ 9 બોલમાં 21 રન બનાવી નોટ આઉટ રહ્યો હતો. રોહિત શર્મા 6, શિખર ધવન 3, રિષભ પંત 3, લોકેશ રાહુલ 16 અને મનીષ પાંડે 19 રન બનાવી આઉટ થા હતા. આ સાથે જ ટીમ ઈન્ડિયાએ 23 માર્ચ, 2014 બાદ વેસ્ટ ઈન્ડિઝ સામે T20માં પ્રથમ જીત મેળવી છે.

વેસ્ટ ઈન્ડિઝ તરફથી પણ 3 ખેલાડીએ ડેબ્યૂ કર્યું હતું.

ભારતીય ટીમઃ રોહિત શર્મા, લોકેશ રાહુલ, રિષભ પંત., મનીષ પાંડે, દિનેશ કાર્તિક, રિષભ પંત, કૃણાલ પંડ્યા, કુલદીપ યાદવ, જસપ્રીત બુમરાહ, ખલીલ અહમદ, ઉમેશ યાદવ

ભારતના કેપ્ટન રોહિત શર્માએ ટોસ જીતીને પ્રથમ ફિલ્ડિંગનો નિર્ણય કર્યો હતો. ભારતીય ટીમમાં બે સ્પિનર અને ત્રણ ફાસ્ટ બોલરનો સમાવેશ કરવામાં આવ્યો હતો. હાર્દિક પંડ્યાના ભાઈ કૃણાલ પંડ્યા, ખલીલ અહમદનું ડેબ્યુ થયું હતું

ભારત તરફથી કુલદીપ યાદવે તેના 4 ઓવરના સ્પેલમાં માત્ર 13 રન આપી 3 વિકેટ ઝડપી હતી. ડેબ્યૂ મેન કૃણાલ પંડ્યાએ ભારતને પોલાર્ડની મહત્વપૂર્ણ સફળતા અપાવી હતી. જ્યારે બીજા ડેબ્યૂ મેન ખલીલ અહમદે પણ 16 રનમાં બે વિકેટ ઝડપી હતી.

આ પહેલા ટોસ હાર્યા બાદ પ્રથમ બેટિંગ કરવા ઉતેરલી વેસ્ટ ઈન્ડિઝની ટીમે 20 ઓવરમાં 8 વિકેટના નુકસાન પર 109 રન બનાવ્યા હતા. વેસ્ટ ઈન્ડિઝ તરફથી ડેબ્યૂ કરનારા એલીને 20 બોલમાં સર્વાધિક 27 રન બનાવ્યા હતા.