દિલ્હી કેપિટલ્સ સાથે જોડાયા પછી ગાંગુલીએ કહ્યું હતું કે હું દિલ્હી કેપિટલ્સ સાથે જોડાઈને ઘણો ખુશ છું. હું ઘણા વર્ષોથી જિંદલ અને જેએસડબલ્યૂ ગ્રૂપને જાણું છું અને તેમની સાથે જોડાઈને ઉત્સાહિત છું.
ગાંગુલીનું જોડાવવું પોતાના પ્રથમ આઈપીએલ ટાઇટલ માટે તરસી રહેલી દિલ્હીની ટીમ માટે ફાયદાકારક સાબિત થઈ શકે છે. કારણ કે દાદા ફક્ત સારા રણનીતિકાર જ નહીં પણ ખેલાડીઓનો ઉત્સાહ વધારવામાં પણ મદદરૂપ બની શકે છે. શ્રેયસ ઐયરની કેપ્ટનશિપમાં દિલ્હી કેપિટલ્સની ટીમ પોતાની પ્રથમ મેચ 24 માર્ચે મુંબઈ સામે રમશે.