CSK Playing XI: IPL 2024માં આજે KL રાહુલની લખનઉ સુપર જાયન્ટ્સનો સામનો એમએસ ધોનીના ગઢમાં ચેન્નાઈ સુપર કિંગ્સ સામે થશે. આ સિઝનમાં લખનઉએ ચેન્નાઈને ઘરઆંગણે ખરાબ રીતે હરાવ્યું હતું. આવી સ્થિતિમાં ચેન્નાઈ ચેપોકમાં સ્કોર સેટલ કરવાના ઈરાદા સાથે મેદાનમાં ઉતરશે. જાણો આ મેચમાં ચેન્નાઈની પ્લેઈંગ ઈલેવન કેવી હોઈ શકે છે.
ચેન્નાઈ અને લખનઉ વચ્ચેની મેચ એમએ ચિદમ્બરમ સ્ટેડિયમમાં રમાશે. આ મેદાન સ્પિનરો માટે ખૂબ જ મદદરૂપ છે. જ્યારે ચેન્નાઈ જ્યારે અહીં રમે છે ત્યારે તેમને હરાવવા માત્ર મુશ્કેલ જ નહીં પરંતુ લગભગ અશક્ય બની જાય છે. ધોની હંમેશા આ મેદાન પર ત્રણ સ્પિનરો સાથે આવતો હતો. આવી સ્થિતિમાં ગાયકવાડ આજે શું નિર્ણય લે છે તે જોવું રહ્યું.
લખનઉ સામે ચેન્નાઈની પ્લેઈંગ ઈલેવનની વાત કરીએ તો રચિન રવિન્દ્ર અને ઋતુરાજ ગાયકવાડ ફરી એકવાર ઈનિંગની શરૂઆત કરતા જોવા મળી શકે છે. અજિંક્ય રહાણે છેલ્લી કેટલીક મેચોથી ઓપનિંગ કરી રહ્યો હતો. જો કે, આ નિર્ણય અપેક્ષા મુજબ ન હતો. આવી સ્થિતિમાં રહાણે ફરીથી ત્રીજા નંબર પર રમી શકે છે.
આ સિવાય એક મોટો ફેરફાર એ પણ થઈ શકે છે કે મહેશ તિક્ષણા પ્લેઇંગ ઇલેવનમાં વાપસી કરી શકે છે. ચેન્નાઈએ ચેપોકમાં કોલકાતા નાઈટ રાઈડર્સને હરાવ્યું ત્યારે મહેશ તિક્ષણા પ્લેઈંગ ઈલેવનનો ભાગ હતો. આજે ફરી તે સ્પિન વિભાગનું નેતૃત્વ કરી શકે છે. જો કે તિક્ષણાને તક મળશે તો મોઈન અલીને બેંચ પર બેસવું પડશે. જ્યારે ઝડપી બોલર મહેશ તિક્ષણા આજે ઇમ્પેક્ટ પ્લેયર બની શકે છે.
લખનઉ સામે ચેન્નાઈની સંભવિત પ્લેઈંગ ઈલેવન -
રચિન રવિન્દ્ર, ઋતુરાજ ગાયકવાડ (કેપ્ટન), અજિંક્ય રહાણે, શિવમ દુબે, સમીર રિઝવી, રવીન્દ્ર જાડેજા, એમએસ ધોની (વિકેટકીપર), દીપક ચહર, મુસ્તફિઝુર રહેમાન, તુષાર દેશપાંડે અને મહેશ તિક્ષાના.
ઈમ્પેક્ટ પ્લેયર- મથિશા પથિરાના