Virat Kohli IPL 2022: ઇન્ડિયન પ્રીમિયર લીગ 2022 (IPL 2022)ની ક્વૉલિફાયર 2માં રૉયલ ચેલેન્જર્સ બેંગ્લૉર અને રાજસ્થાન રૉયલ્સ (RCB Vs RR) આમને સામને હતી. બેંગ્લુરુએ પહેલા બેટિંગ કરતા 20 ઓવરમાં 8 વિકેટે 157 રન જ બનાવી શકી હતી. જવાબમાં રાજસ્થાન રૉયલ્સે 18.1 ઓવરમાં 3 વિકેટ ગુમાવીને 161 રન બનાવી લીધા હતા. આ જીત સાથે જ રાજસ્થાનને 14 વર્ષ બાદ ફાઇનલમાં રમવાનો મોકો મળ્યો છે. આ મેચમાં સૌથી વધુ ચર્ચાનુ કેન્દ્ર વિરાટ કોહલી રહ્યો, તેનો ફરી એકવાર ફ્લૉપ શૉ જોવા મળ્યો. આ મેચમાં વિરાટ માત્ર 7 રન બનાવીને જ આઉટ થઇ ગયો હતો. આ પછી સોશ્યલ મીડિયા યૂઝર્સ વિરાટની મજાક ઉડાવવા લાગ્યા હતા અને જુદાજુદા ફની મીમ્સ વાયરલ થયા હતા.
વિરાટ કોહલી ઇનિંગની બીજી જ ઇનિંગમાં પ્રસિદ્ધ કૃષ્ણાના શૉટ ઓફ લેન્થ બૉલ પર રમતી વખતે સ્ટમ્પની પાછળ કેચ આપી બેઠો હતો. વિરાટે આ નાની ઇનિંગમાં 8 બૉલમાં 7 રન બનાવ્યા હતા. જેમા એક સિક્સ સામેલ હતી.
વિરાટ કોહલીનું આઇપીએલ 2022માં પ્રદર્શન -
મેચ - 16
ઇનિંગ - 16
રન - 341
એવરેજ - 22.73
ફિફ્ટી - 2