IPL Final RCB vs PBKS Score Live: RCB 17 વર્ષ પછી IPL ચેમ્પિયન બન્યું... કોહલી ભાવુક થયો, ફાઇનલમાં પંજાબ કિંગ્સ હારી ગયું

IPL 2025 Final RCB vs PBKS Score Live Updates: કોણ મારશે બાજી? પંજાબના આંકડા મજબૂત, RCB સામે પડકાર; વરસાદનું સંકટ યથાવત.

gujarati.abplive.comLast Updated: 03 Jun 2025 11:35 PM

બ્રેકગ્રાઉન્ડ

Royal Challengers Bengaluru vs Punjab Kings, Final: આજે ક્રિકેટ ચાહકોની નજર અમદાવાદના નરેન્દ્ર મોદી સ્ટેડિયમ પર કેન્દ્રિત થશે, જ્યાં ઇન્ડિયન પ્રીમિયર લીગ (IPL) 2025ની ફાઇનલમાં રોયલ ચેલેન્જર્સ બેંગ્લોર (RCB) અને પંજાબ કિંગ્સ (PBKS) વચ્ચે રોમાંચક મુકાબલો ખેલાશે. બંને ટીમો તેમના ઇતિહાસમાં પ્રથમ વખત IPL ટ્રોફી જીતવા માટે મેદાનમાં ઉતરશે. આ સાથે જ, ક્રિકેટ જગતમાં એ પણ ચર્ચા છે કે શું RCBના દિગ્ગજ ખેલાડી વિરાટ કોહલીનું IPL ચેમ્પિયન બનવાનું સ્વપ્ન આખરે સાકાર થશે? કોણ બનશે આ સિઝનનો ચેમ્પિયન તે જાણવા માટે ચાહકોમાં ભારે ઉત્સુકતા છે. મેચના લાઇવ સ્કોર અને તમામ નવીનતમ અપડેટ્સ અહીં ઉપલબ્ધ રહેશે.ફાઇનલ સુધીની સફર અને અગાઉનો મુકાબલોબંને ટીમો વચ્ચે આ સિઝનમાં આ ચોથી ટક્કર હશે. આ પહેલા રમાયેલા પ્રથમ ક્વોલિફાયરમાં રોયલ ચેલેન્જર્સ બેંગ્લોરે પંજાબ કિંગ્સને હરાવીને ફાઇનલમાં પોતાનું સ્થાન નિશ્ચિત કર્યું હતું. હવે જોવાનું એ રહે છે કે શું પંજાબ કિંગ્સ તે હારનો બદલો લઈ શકશે કે પછી બેંગ્લોર ફરી એકવાર બાજી મારશે.હેડ-ટુ-હેડ રેકોર્ડ અને વર્તમાન ફોર્મIPLના ઇતિહાસમાં બેંગ્લોર અને પંજાબ વચ્ચે અત્યાર સુધી કુલ 36 મેચો રમાઈ છે, જેમાં કાંટે કી ટક્કર જોવા મળી છે અને બંને ટીમો 18-18 મેચ જીતવામાં સફળ રહી છે. પંજાબ કિંગ્સ સામે RCBનો સર્વોચ્ચ સ્કોર 241 રન છે, જે ગત વર્ષે નોંધાયો હતો. બીજી તરફ, બેંગ્લોર સામે પંજાબનો સર્વોચ્ચ સ્કોર 232 રન છે, જે તેમણે 2011માં બનાવ્યો હતો. જોકે, છેલ્લી પાંચ મેચોના પ્રદર્શન પર નજર કરીએ તો, RCBનું પલડું ભારે રહ્યું છે, જેણે પંજાબ સામે ચાર મેચ જીતી છે. વર્તમાન સિઝનમાં પણ, રોયલ ચેલેન્જર્સ બેંગ્લોરે ત્રણમાંથી બે મેચમાં પંજાબને પરાજય આપ્યો છે.અમદાવાદના આંકડા: RCB માટે ચિંતા, PBKS માટે આશાઅમદાવાદનું નરેન્દ્ર મોદી સ્ટેડિયમ, જ્યાં આ મહામુકાબલો રમાવાનો છે, ત્યાંના આંકડા RCB માટે થોડી ચિંતા જગાવી શકે છે. બેંગ્લોર અને પંજાબ આ મેદાન પર આ પહેલા માત્ર એક જ વાર 2021માં ટકરાયા હતા, જેમાં પંજાબે 4 વિકેટે જીત મેળવી હતી. RCBએ અમદાવાદમાં અત્યાર સુધી કુલ 6 મેચ રમી છે, જેમાં 3માં જીત અને 3માં હારનો સામનો કરવો પડ્યો છે. ચિંતાની વાત એ છે કે અમદાવાદમાં છેલ્લી ચાર મેચમાંથી બેંગ્લોર ત્રણ મેચ હારી ચૂક્યું છે અને IPL 2025માં આ મેદાન પર હજુ સુધી કોઈ મેચ રમ્યું નથી.બીજી તરફ, પંજાબ કિંગ્સનો અમદાવાદમાં રેકોર્ડ શાનદાર રહ્યો છે. તેમણે અહીં રમાયેલી કુલ 7 IPL મેચોમાંથી 5માં જીત મેળવી છે. એટલું જ નહીં, પંજાબે અહીં રમાયેલી છેલ્લી પાંચમાંથી ચાર મેચ જીતી છે અને તેઓ છેલ્લી ત્રણ મેચથી અહીં અપરાજિત રહ્યા છે. IPL 2025માં પણ પંજાબે નરેન્દ્ર મોદી સ્ટેડિયમમાં રમેલી પોતાની બંને મેચો જીતી હતી, જે તેમના આત્મવિશ્વાસમાં વધારો કરશે.વરસાદનું સંકટ અને નિયમોઆજના ફાઇનલ મુકાબલા પર વરસાદનું સંકટ પણ મંડરાઈ રહ્યું છે. અમદાવાદમાં આજે 75% વરસાદની સંભાવના છે. ઉલ્લેખનીય છે કે આ જ મેદાન પર રમાયેલી ક્વોલિફાયર-2 મેચ પણ વરસાદને કારણે લગભગ બે કલાક મોડી શરૂ થઈ હતી. IPL ફાઇનલ માટે રિઝર્વ ડે રાખવામાં આવ્યો છે, પરંતુ તે દિવસે પણ વરસાદની શક્યતા નકારી શકાય તેમ નથી. જો બંને દિવસે રમત શક્ય ન બને અને પરિણામ ન આવે, તો IPLના નિયમો અનુસાર આગળની કાર્યવાહી કરવામાં આવશે, જેમાં સુપર ઓવરનો વિકલ્પ પણ સામેલ હોઈ શકે છે.મેચનો સમય અને સમાપન સમારોહરોયલ ચેલેન્જર્સ બેંગ્લોર અને પંજાબ કિંગ્સ વચ્ચેની આ ટાઇટલ મેચ ભારતીય સમય અનુસાર સાંજે 7:30 વાગ્યે શરૂ થશે, જ્યારે ટોસ 7:00 વાગ્યે ઉછાળવામાં આવશે. મેચ પહેલા સાંજે 6:00 વાગ્યાથી ભવ્ય સમાપન સમારોહનું આયોજન કરવામાં આવ્યું છે. આ સમારોહ 'ઓપરેશન' થીમ પર આધારિત હશે અને તેને 'શ્રદ્ધાંજલિ સમારોહ' નામ આપવામાં આવ્યું છે. જોકે, વરસાદ મેચના પ્રારંભિક સમયે પણ વિક્ષેપ પાડી શકે તેવી શક્યતાઓ છે.

03/06/2025 23:35:29

RCB vs PBKS: પંજાબને હરાવીને RCB IPL ૨૦૨૫ ચેમ્પિયન બન્યું

રોયલ ચેલેન્જર્સ બેંગ્લોર (RCB) ના ચાહકોનું ૧૮ વર્ષનું લાંબું ઇંતજાર આખરે સમાપ્ત થયું છે! IPL 2025 ની ફાઇનલમાં RCB એ પંજાબ કિંગ્સ (PBKS) ને ૬ રનથી હરાવીને ઇન્ડિયન પ્રીમિયર લીગનો ખિતાબ જીતી લીધો છે. IPL ના ૧૮ વર્ષના ઇતિહાસમાં આ પહેલીવાર છે જ્યારે RCB ચેમ્પિયન બન્યું છે. આ મેચ અમદાવાદના નરેન્દ્ર મોદી સ્ટેડિયમ ખાતે રમાઈ હતી, અને નોંધનીય છે કે આ પહેલીવાર છે જ્યારે આ મેદાન પર IPL ફાઇનલમાં પહેલા બેટિંગ કરનારી ટીમ વિજયી બની છે.