SRH vs RCB: બેંગ્લોરે હૈદરાબાદને 8 વિકેટે હરાવ્યું, વિરાટ કોહલીની વિસ્ફોટક સદી

RCBની ટીમ 12 મેચમાં 6 જીત અને 12 પોઈન્ટ સાથે પોઈન્ટ ટેબલમાં પાંચમાં નંબર પર છે

બ્રેકગ્રાઉન્ડ

RCB vs SRH In IPL: ઇન્ડિયન પ્રિમિયર લીગ 2023ની 65મી લીગ મેચ આજે 18 મે, સનરાઈઝર્સ હૈદરાબાદ અને રોયલ ચેલેન્જર્સ બેંગ્લોર વચ્ચે રાજીવ ગાંધી ઈન્ટરનેશનલ સ્ટેડિયમ હૈદરાબાદમાં રમાશે. આ મેચ દ્વારા બંને ટીમો IPL 2023ની 13મી લીગ મેચ રમશે. આ મેચ જીતીને RCB પ્લેઓફમાં પહોંચવાની આશા જીવંત રાખવા માંગશે.શું કહી રહ્યા છે આંકડાઓઆઈપીએલમાં સનરાઈઝર્સ હૈદરાબાદ અને રોયલ ચેલેન્જર્સ બેંગ્લોરની ટીમો અત્યાર સુધીમાં 21 વખત સામસામે આવી ચુકી છે, જેમાં હૈદરાબાદે 12 અને બેંગ્લોરે 9 મેચ જીતી છે. આજે બંને વચ્ચે IPL 2023ની પ્રથમ મેચ રમાશે.બંને વચ્ચે આજની મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. અહીં બંને ટીમો વચ્ચે 7 મેચ રમાઈ છે, જેમાં હૈદરાબાદે 6 અને RCBએ માત્ર 1માં જીત મેળવી છે.બંને વચ્ચે છેલ્લી મેચ IPL 2022માં રમાઇ હતી. તે મેચ મુંબઈના વાનખેડે સ્ટેડિયમમાં રમાઈ હતી, જેમાં RCBનો 67 રને વિજય થયો હતો. તે મેચમાં વિરાટ કોહલી ગોલ્ડન ડકનો શિકાર બન્યો હતો જ્યારે ફાફ ડુ પ્લેસિસે અણનમ 73 રન બનાવ્યા હતા.પ્લેઓફની દ્રષ્ટિએ આરસીબી માટે મેચ મહત્વપૂર્ણ છે RCBની ટીમ 12 મેચમાં 6 જીત અને 12 પોઈન્ટ સાથે પોઈન્ટ ટેબલમાં પાંચમાં નંબર પર છે. આ મેચ જીતીને બેંગલોર પ્લેઓફની નજીક પહોંચવા માંગશે. RCB તેમની બંને મેચ જીતીને પ્લેઓફ માટે ક્વોલિફાય કરી શકે છે.

18/05/2023 23:09:16

बैंगलोर ने हैदराबाद को 8 विकेट से हराया

રોયલ ચેલેન્જર્સ બેંગ્લોરે શાનદાર પ્રદર્શન કરીને સનરાઈઝર્સ હૈદરાબાદને 8 વિકેટે હરાવ્યું હતું. હૈદરાબાદે પ્રથમ બેટિંગ કરતા 186 રન બનાવ્યા હતા. જવાબમાં બેંગ્લોરે 19.2 ઓવરમાં ટાર્ગેટ હાંસલ કરી લીધો હતો. ટીમ માટે વિરાટ કોહલીએ સદી ફટકારી હતી. તેણે 63 બોલમાં 100 રન બનાવ્યા હતા. આ પહેલા હૈદરાબાદ માટે હેનરિક ક્લાસને સદી ફટકારી હતી. આ જીત સાથે RCBએ ક્વોલિફાયરમાં પહોંચવાની આશા જાળવી રાખી છે.

18/05/2023 22:53:27

કોહલી સદી બાદ આઉટ

RCBની પહેલી અને મોટી વિકેટ પડી. વિરાટ કોહલી વિસ્ફોટક સદી બાદ આઉટ થયો હતો. તેણે 63 બોલનો સામનો કરીને 100 રન બનાવ્યા હતા. કોહલીની ઇનિંગ્સમાં 12 ફોર અને 4 સિક્સ સામેલ હતી. તેણે ભુવનેશ્વર કુમારને પેવેલિયનનો રસ્તો બતાવ્યો હતો.

18/05/2023 22:33:05

કોહલી-ડુપ્લેસિસે અડધી સદી ફટકારી

ફાફ ડુ પ્લેસિસ અને વિરાટ કોહલીએ અડધી સદી પૂરી કરી હતી. કોહલી 52 રન અને ડુ પ્લેસિસ 51 રન બનાવીને રમી રહ્યા છે. આરસીબીનો સ્કોર 105 રન છે. તેને જીતવા માટે 82 રનની જરૂર છે.

18/05/2023 21:54:06

આરસીબીની શાનદાર શરૂઆત

187 રનના ટાર્ગેટનો પીછો કરવા ઉતરેલી RCBની ટીમે શાનદાર શરૂઆત કરી છે. વિરાટ કોહલી અને ફાફ ડુપ્લેસીસ ખૂબ જ સારા ફોર્મમાં જોવા મળી રહ્યા છે.  પાવરપ્લેમાં જ આરસીબીનો સ્કોર કોઈ પણ નુકસાન વિના 50 રનને પાર કરી ગયો છે.

18/05/2023 21:29:22

હેનરિક ક્લાસેનની સદી

હેનરિક ક્લાસને 49 બોલમાં પોતાની સદી ફટકારી હતી. તેણે પોતાની ઇનિંગમાં આઠ ચોગ્ગા અને છ છગ્ગા ફટકાર્યા હતા. જોકે, તે સદી ફટકાર્યા બાદ જ આઉટ થયો હતો. મોહમ્મદ સિરાજે તેને ક્લીન બોલ્ડ કર્યો હતો. ક્લાસને 51 બોલમાં 104 રનની ઇનિંગ રમી હતી. 

18/05/2023 21:28:35

હૈદરાબાદે 186 રન બનાવ્યા

સનરાઇઝર્સ હૈદરાબાદે પ્રથમ બેટિંગ કરતા હેનરિક ક્લાસેનની સદીની મદદથી પાંચ વિકેટે 186 રન બનાવ્યા હતા. હૈદરાબાદ તરફથી ક્લાસેન ઉપરાંત  બ્રુકે 27 રન બનાવ્યા હતા. RCB તરફથી માઈકલ બ્રેસવેલે બે વિકેટ ઝડપી હતી. શાહબાઝ અહેમદ, હર્ષલ પટેલ અને મોહમ્મદ સિરાજને એક-એક વિકેટ મળી હતી.

18/05/2023 20:55:11

હૈદરાબાદનો સ્કોર 150 રનને પાર

સનરાઇઝર્સ હૈદરાબાદનો સ્કોર ત્રણ વિકેટના નુકસાને 150 રનને પાર કરી ગયો છે. હેનરિક ક્લાસેન તેની સદીની નજીક છે. હેરી બ્રુક પણ બીજા છેડે ઝડપી સ્કોર કરી રહ્યો છે. 

18/05/2023 20:47:23

હૈદરાબાદની ત્રીજી વિકેટ પડી

સનરાઇઝર્સ હૈદરાબાદની ત્રીજી વિકેટ 104 રનના સ્કોર પર પડી છે. કેપ્ટન એડન માર્કરામ 20 બોલમાં 18 રન બનાવીને આઉટ થયો છે. 

18/05/2023 19:03:20

બેગ્લોરે ટોસ જીત્યો