MI vs DC: ઇન્ડિયન પ્રીમિયર લીગમાં આજે ફરી એકવાર મેદાનમાં દિલ્હીની ટીમ મુંબઇની ટીમ સામે ટકરાશે. આજે બન્ને ટીમો જીત માટે પ્રયાસ કરશે, આઇપીએલની સિઝન 16 આ વખતે બન્ને ટીમો માટે સારી રહી નથી. કેમ કે બન્ને પોતાની શરૂઆતી મેચોમાં હારનો સામનો કરી ચૂકી છે, અને હજુ સુધી એકપણ મેચ જીતવામાં સફળ થઇ શકી નથી. એકબાજુ આજે વૉર્નરની સેના હશે તો બીજીબાજુ રોહિત એન્ડ કંપની જોવા મળશે. બન્ને ટીમો આજની જીત સાથે આઇપીએલની સિઝન 16માં જીતનું ખાતુ ખોલાવા પ્રયાસ કરશે.
દિલ્હી કેપિટલ્સ અને મુંબઇ ઇન્ડિયન્સની સતત હાર -
IPL 2023માં દિલ્હી કેપિટલ્સે ત્રણ મેચ રમી છે, અને ત્રણેયમાં હારનો સામનો કરવો પડ્યો છે. વળી, મુંબઇ ઇન્ડિયન્સે બે મેચો રમી છે અને બન્ને ગુમાવી દીધી છે. ખાસ વાત છે કે, આ ટીમોએ પોતાની મેચો એકતરફી રીતે હારી છે. આ ટીમો પોતાની વિપક્ષી ટીમોને જરા પણ ટક્કર નથી આપી શકી. આવામાં સંભવ છે કે, આ ટીમો આજની મેચમાં જીત માટે મેદાનમાં ઉતરશે. જાણો અહીં આજની મેચ કઇ ચેનલ પરથી કેટલા વાગે જોઇ શકાશે લાઇવ....
દિલ્હી કેપિટલ્સ અને મુંબઇ ઇન્ડિયન્સ વચ્ચેની આજની 11 એપ્રિલની મેચ ક્યારેને ક્યાંથી જોઇ શકાશે ?
દિલ્હી કેપિટલ્સ અને મુંબઇ ઇન્ડિયન્સ વચ્ચેની આ મેચ આજે (11 એપ્રિલ) સાંજે 7.30 કલાકે શરૂ થશે. બન્ને ટીમો આજે દિલ્હીના અરુણ જેટલી ક્રિકેટ સ્ટેડિયમમાં આમને સામને ટકરાશે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની જુદીજુદી ચેનલો પર વિવિધ ભાષાઓમાં કરવામાં આવશે. Jio સિનેમા એપ પર આ મેચનું લાઈવ સ્ટ્રીમિંગ ઉપલબ્ધ રહેશે. અહીં અંગ્રેજી તેમજ અન્ય ભારતીય ભાષાઓમાં કૉમેન્ટ્રી સાંભળવાનો ઓપ્શન પણ અવેલેબલ રહેશે. તમે આ મેચ Jio સિનેમા એપ પર ફ્રીમાં જોઈ શકશો.