નવી દિલ્હીઃ ઓસ્ટ્રેલિયા અને ઇંગ્લેન્ડની વચ્ચે લોર્ડ્સમાં રમાયેલ બીજા ટેસ્ટમાં સ્ટીવ સ્મિથ શાનદાર બેટિંગ કરી રહ્યા હતા. સ્મિત પોતાની ત્રીજી સેન્ચુરી તરફ આગળ વધી રહ્યા હતા ત્યારે અચાનક જોફ્રા આર્ચરે એક બાઉન્સર ફેંક્યો. બોલ સ્મિથની ગર્દન પર લાગી. સ્મિથ મેદાન પર જ ઢળી પડ્યો.  ફિઝિયો મેદાન પર આવ્યા અને સ્મિથને મેદાનની બહાર જવું પડે. સ્મિથ અને આર્ચરની આ ઘટના બાદ જોફ્રા આર્ચરનું એક ટ્વીટ વાયરલ થઈ રહ્યું છે. આ ટ્વીટમાં તેણે બેટ્સમેનોને બે હેલમેટ ખરીદવાની સલાહ આપી હતી.

સ્મિથ ગરદન ઉપર બોલ વાગ્યા બાદ જમીન ઉપર પડેલો હતો ત્યારે આર્ચરની એક હસતાં ચહેરાવાળી તસવીર કેમેરામાં કેદ થઈ હતી જેની ચોમેરથી આકરી ટીકાઓ થઈ હતી. ત્યારબાદ તેણે આ બાબતે ખુલાસો પણ કર્યો હતો. હવે આ ઘટના બાદ સોશિયલ મીડિયામાં આર્ચરની વર્ષો જૂની એક ટ્વિટ વાઇરલ થઈ રહી છે.

જોફ્રા આર્ચરે ૨૦૧૩ની પાંચમી માર્ચે એક ટ્વિટ કરી હતી. તેમાં તેણે લખ્યું હતું કે તમામ બેટ્સમેનોએ બે હેલ્મેટ ખરીદી લેવી જોઈએ કારણ કે જ્યારે આપણે આમનેસામને થઈશું ત્યારે તેની જરૂર પડશે.

નોંધનીય છે કે આર્ચરનો ૧૪૮ કિલોમીટર પ્રતિ કલાકની ઝડપવાળો બાઉન્સર સ્મિથના ડાબા કાનની નીચેના ભાગમાં વાગ્યો હતો જેના કારણે સ્મિથ ગ્રાઉન્ડ ઉપર પડી ગયો હતો. સ્મિથ બાદ સબસ્ટિટયૂટ તરીકે આવેલા માર્નસ લાબુશેનને પણ આર્ચરના બાઉન્સર્સથી ઘણી મુશ્કેલી પડી હતી.