મયંક અગ્રવાલે અનોખા અંદાજમાં હવામાં જ ગર્લફ્રેન્ડને કરેલું પ્રપોઝ, જાણીને રહી જશો દંગ

27 વર્ષીય મયંક અગ્રવાલે ગયા વર્ષે 'લંડન આઇ' (ટેમ્સ નદીના કિનારે હવાઇ ઝૂલા) માં પોતાની ગર્લફ્રેન્ડ આસ્થા સૂદને પ્રપૉઝ કર્યુ હતુ. આ તસવીરને પૉસ્ટ કરતાં લખ્યુ હતું કે, ‘તેને (આસ્થા સૂદ) હા કહી દીધુ છે. હું આને શબ્દોમાં વર્ણવી નથી શકતો અમારા બન્ને માટે આ પળ ખાસ રહેશે.’

મયંક અગ્રવાલે ઓસ્ટ્રેલિયા સામેની ડેબ્યૂ ટેસ્ટમાં તાબડતોડ ઓપનિંગ કરતાં 76 રન (161 બૉલ) કર્યા હતા, આ ઇનિંગમાં 8 ચોગ્ગા અને 1 છગ્ગો પણ સામેલ છે.

મંયક અગ્રવાલની તાબડતોડ બેટિંગ બાદ હવે તેની ગર્લફ્રેન્ડ સાથેની તસવીરો વાયરલ થઇ રહી છે. આમાં એક ખાસ તસવીર છે જેમાં મયંક અગ્રવાલ પોતાની ગર્લફ્રેન્ડ આસ્થા સૂદની સામે ઘૂંટણના સહારે બેસીને પ્રેમનો પ્રપૉઝ કરી રહ્યો છે.

નવી દિલ્હીઃ હાલમાં ચાલી રહેલી ઓસ્ટ્રેલિયા સીરીઝની ત્રીજી ટેસ્ટમાં ડેબ્યૂ કરતાંની સાથે જ ધમાલ મચાવનારા ઓપનર બેટ્સમેન મયંક અગ્રવાલ ચર્ચામાં છે. મયંક અગ્રવાલે તાજેતરમાંજ પોતાની લાંબા સમયની ગર્લફ્રેન્ડ આસ્થા સૂદ સાથે લગ્ન કરી લીધા છે.