જસપ્રિત બૂમરાહ વિશે ઈન્ટરવ્યૂ આપ્યા પછી ઓસ્ટ્રેલિયાનો આ ક્રિકેટર ફરી ગયા, જાણો શું કહેલું?

નવી દિલ્હીઃ 24 ડિસેમ્બરે બીજી ટેસ્ટ મેચ બાદ ઓસ્ટ્રેલિયાના પૂર્વ ફાસ્ટ બોલર મિચેલ જોન્સને ભારતીય ફાસ્ટ બોલર જસપ્રીત બુમરાહના વખાણ કર્યા હતા જેની ખૂબ ચર્ચા થઈ હતી. અહેવાલ અનુસાર ટાઈમ્સ ઓફ ઇન્ડિયાને આપેલ ઇન્ટરવ્યૂમાં જોનસને કહ્યું કે, જે ભારતીય ફાસ્ટ બોલરે મને સૌથી વધારે પ્રભાવિત કર્યો છે, તે છે જસપ્રીત બુમરાહ.

તમને જણાવીએ કે, મિચેલ જોનસને ટ્વિટર પર આ વાતનો ખુલાસો કર્યો છે કે અને એ પણ લખ્યું છે કે, ન તો મેં કોઈને ઈન્ટરવ્યૂ આપ્યો છે અને ન તો આવી કોઈ વાત મેં કહી છે. જોકે જોનસને લખ્યું છે કે, આ અહેવાલમાં લખેલ કેટલીક વાતો સાચી છે પરંતુ આવી વાતો મેં કોઈને કહી નથી.

આ ઇન્ટરવ્યૂવાળા અહેવાલને લઈને મિચેલ જોનસને ટ્વિટર પર કંઈક એવી વાત લખી છે જે સાંભળીને બધા ચોંકી ગયા છે. મિચેલ જોનસને ટ્વિટર પર સ્પષ્ટ લખ્યું છે કે, જે અહેવાલ ચાલી રહ્યા છે તે ખોટા છે અને મેં ક્યારે આ મામલે કોઈ ઇન્ટરવ્યૂ આપ્યો જ નથી.