વાસ્તવમાં, સાઉથ આફ્રિકા સામેની જીત પર સચિન તેંડુલકરે મિતાલીને ટ્વિટર પર શુભકામનાઓ પાઠવી હતી. સચિનના ટ્વીટ પર મિતાલીએ અંગ્રેજીમાં જવાબ આપ્યો હતો અને લખ્યું કે, “આપ જેવા વ્યક્તિ દ્વારા પ્રશંસા થાય તેનાથી સારું લાગું છે. તમે તે ખેલાડી છો જેને જોઈને હું ઘણું શીખી છું. આભાર ચેમ્પિયન”
મિતાલીના આ ટ્વિટ પર એક યૂઝરે લખ્યું, મિતાલીને તમિલ ભાષા નથી આવડતી. તેના પર મિતાલીએ તરત જ તમિલ ભાષામાં જવાબ આપતા લખ્યું કે તમિલ મારી માતૃભાષા છે અને તેના પર ગર્વ છે. સૌથી મોટી વાત એ કે હું એક ભારતીય છું.
ઉલ્લેખનીય છે કે ગત મહિને મિતાલીએ આંતરાષ્ટ્રીય ટી-20 માંથી નિવૃતી લેવાની જાહેરાત કરી હતી. તેમનું કહેવું છે કે તે વર્ષ 2021માં યોજાનાર વર્લ્ડકપ પર પોતાનું સંપૂર્ણ ધ્યાન લગાવવા માંગે છે.