વન-ડેમાં 100 સ્ટંપિંગ કરનાર દુનિયાનો પ્રથમ વિકેટકીપર બન્યો ધોની

301 વનડેમાં ધોનીના 100 સ્ટંપ, જ્યારે શ્રીલંકાના કુમાર સંગાકારા 404 મેચમાં 99 સ્ટંપ કરી ચુક્યો છે,

શ્રીલંકાના બેટ્સમેન અકિલા ધનંજય ધોનીનો 100મો શિકાર બન્યો હતો. વન ડેમાં સૌથી વધારે સ્ટંપિંગની વાત કરવામાં આવે તો, ધોનીએ 2004થી લઈને 2017 દરમિયાન 100 સ્ટંપ કર્યા છે. સૌથી ખાસ વાત એ છે કે ધોનીએ સૌથી ઓછી વન ડે મેચ રમીને સ્ટંપિંગનું શતક લગાવ્યું છે.

કોલંબો: ભારતીય ક્રિકેટ ટીમના પૂર્વ કેપ્ટન મહેંદ્ર સિંહ ધોની પોતાના વિકેટકીપિંગના કારણે ખૂબ જાણીતા છે. શ્રીલંકા સામેની વન ડેમાં રવિવારે ધોની 100 સ્ટંપ કરનારા દુનિયાનો પ્રથમ વિકેટકીપર બન્યો હતો.

શ્રીલંકા સામેની પાંચમી વન ડે મેચમાં મહેંદ્ર સિંહ ધોનીએ આ સફળતા મેળવી હતી. ધોનીએ પોતાની કરિયરની 301 વન ડે મેચ દરમિયાન આ જાદુઈ આંકડા પર પહોંચ્યો હતો.