વેગ્નરને પોતાના પ્રથમ બાળકના જન્મની રાહ જોઈ રહ્યો છે અને આ જ કારણે તે પ્રથમ ટેસ્ટમાંથી બહાર થઈ શકે છે. ન્યૂઝીલેન્ડ ક્રિકેટે પોતાના સત્તાવાર ટ્વીટર હેન્ડલ પર લખ્યું, ‘મેટ હેનરીને નીલ વેગ્નરના કવર તરીકે ટીમમાં સામેલ કરવામાં આવ્યો છે. વેગ્નરને પોતના પ્રથમ બાળનકા જન્મની રાહ જોઈ રહ્યો છે. હેનરી સાંજ સુધી વેલિંગ્ટન પહોંચશે.’
પોતાના દેશ માટે 13 ટેસ્ટ મેચ રમી ચૂકેલ હેનરીને 13 સભ્યોની ટીમમાં સામેલ કરવામાં આવ્યો ન હતો. તેના સ્થાને યુવા ફાસ્ટ બોલર કાઇલ જેમિસનને ટીમમાં તક મળી હતી. જો વેગ્નર પ્રથમ ટેસ્ટ મેચમાં ન રમે તો જેમિસનને ટેસ્ટ ડેબ્યૂની તક મળી શકે છે. હેનરીએ પોતાના અંતિમ ટેસ્ટ મેચ નવા વર્ષમાં ઓસ્ટ્રેલિયા વિરૂદ્ધ સિડનીમાં રમાઈ હતી.