'હવે કુશ્તી નહીં લડી શકાય, અમે અંદરથી તૂટી...', વિનેશ ફોગાટના ભારત પરત ફર્યા બાદ પતિએ આપ્યુ મોટું નિવેદન

Vinesh Phogat News: ભારતની સ્ટાર રેસલર વિનેશ ફોગાટ શનિવારે (17 ઓગસ્ટ) પેરિસથી ભારત પરત ફરી છે. દિલ્હી એરપોર્ટ પર તેમનું ભવ્ય સ્વાગત કરવામાં આવ્યું હતું

Vinesh Phogat News: ભારતની સ્ટાર રેસલર વિનેશ ફોગાટ શનિવારે (17 ઓગસ્ટ) પેરિસથી ભારત પરત ફરી છે. દિલ્હી એરપોર્ટ પર તેમનું ભવ્ય સ્વાગત કરવામાં આવ્યું હતું. ઓલિમ્પિકમાં મેડલ જીતી ચૂકેલા રેસલર બજરંગ પુનિયા અને સાક્ષી મલિક પણ વિનેશનું સ્વાગત કરવા એરપોર્ટ પર પહોંચ્યા હતા. વિનેશે ભારત આવ્યા બાદ તેને સપોર્ટ કરનારા લોકોનો પણ આભાર માન્યો હતો. જો કે આ દરમિયાન વિનેશ પણ ભાવુક થઈ ગઈ હતી. હવે વિનેશના પતિએ તેના વિશે મોટું નિવેદન આપ્યું છે.

હરિયાણા તક સાથે વાત કરતા વિનેશ ફોગટના પતિ સોમવીર રાઠીએ કહ્યું, "તમે જોઈ રહ્યા છો કે દોઢ-બે વર્ષથી શું ચાલી રહ્યું છે. અમારી સાથે કોઈ ફેડરેશન નથી. અમારી સાથે કોઈ નથી. અમે બધું જોયું છે, કોઈ નથી. અમારી સાથે જો કોઈ ઊભું ન હોય તો ખેલાડી શું કરી શકશે?

તેણે આગળ કહ્યું, "અમે હવે કુસ્તી નહીં લડીએ. અમે અંદરથી તૂટી ગયા છીએ. હવે અમે કોના માટે રમત રમીશું? અમે ખૂબ જ સમજી-વિચારીને કુસ્તીમાંથી નિવૃત્તિ જાહેર કરી છે. અમારી સફર અહીં સુધીની હતી. હવે અમે નહીં કરીએ. આગળ કંઈપણ કરવા માટે સક્ષમ છીએ, અમે મેડલ લાવવાનો ખૂબ પ્રયાસ કર્યો, પરંતુ હું આ માટે ખૂબ જ દિલગીર છું, અમે તે દેશ માટે કરી ના શક્યા.

100 ગ્રામ વજન વધુ હોવાના કારણે વિનેશ થઇ ગઇ હતી ડિસ્ક્વૉલિફાય 
વિનેશ ફોગાટ પેરિસ ઓલિમ્પિકમાં 50 કિલોગ્રામ મહિલા કુસ્તી સ્પર્ધામાં લડી હતી. વિનેશે તેની પ્રથમ મેચમાં ગત ઓલિમ્પિકની સુવર્ણ ચંદ્રક વિજેતા અને વિશ્વ ચેમ્પિયન કુસ્તીબાજને હરાવી હતી. આ પછી વિનેશે ક્વાર્ટર ફાઈનલ અને સેમીફાઈનલમાં જોરદાર જીત નોંધાવી હતી. જોકે, ફાઈનલના દિવસે 100 ગ્રામ વધારે વજન હોવાને કારણે તેણીને ગેરલાયક ઠેરવવામાં આવી હતી.

વિનેશે તેણીને ગેરલાયક ઠેરવ્યા બાદ સિલ્વર મેડલની માંગણી કરી અને CASને અપીલ કરી. આ દરમિયાન દેશના જાણીતા વકીલ હરીશ સાલ્વેએ તેમનો કેસ લડ્યો હતો. CASએ વિનેશને કેટલાક પ્રશ્નોના જવાબ આપવા કહ્યું. જો કે, ત્યારબાદ તેનો કેસ ફગાવી દેવામાં આવ્યો હતો.

આ પણ વાંચો