વર્લ્ડ કપ 2019 માટે આઈસીસી અને ક્રિકેટ વર્લ્ડ કપ આયોજકોની લગભગ 70 કરોડની ઈનામી રકમ દાવ પર હતી. બીજી તરફ વર્લ્ડ કપનો ટાઈટલ જીતનારી ઈંગ્લેન્ડને આ રકમમાંથી લગભગ 30 કરોડ રૂપિયા મળ્યાં છે. આ 30 કરોડમાં ફાઈનલ જીતવા પર મળનારા લગભગ 28 કરોડ રૂપિયા પણ સામેલ છે. લીગ ફેઝની 6 મેચો માટે ઇંગ્લેન્ડની ટીમને 1.68 કરોડ રૂપિયા મળ્યાં છે.
70 કરોડ રૂપિયામાંથી વર્લ્ડ કપ 2019ની વિજેતા ટીમ ઈંગ્લેન્ડને આ રકમ 4 મિલિયન ડોલર એટલે કે 28 કરોડ રૂપિયા આપવામાં આવ્યા હતા. બીજી તરફ આ ટાઈટલના ઉપવિજેતા ટીમ ન્યૂઝીલેન્ડ ઉપર પણ પૈસાનો વરસાદ થયો હતો. આઈસીસી મુજબ, વર્લ્ડ કપ 2019ની ફાઇનલ હારનારી ટીમ ન્યૂઝીલેન્ડને 2 મિલિયન ડોલર એટલે કે 14 કરોડ રૂપિયા આપવામાં આવ્યા હતા. આ ઉપરાંત 1.54 કરોડ રૂપિયા ટીમને લીગ ફેઝમાં જીતવા માટે પણ મળ્યા હતાં.
લંડનના લોર્ડ્સના ઐતિહાસિક મેદાન પર રમાયેલી આ ફાઈનલની વિજેતા ટીમ ઈંગ્લેન્ડને વર્લ્ડ કપ ટ્રોફીની સાથે 4 મિલિયન ડોલર (એટલે કે 28 કરોડ રૂપિયા)નો ચેક આપવામાં આવ્યો હતો. આ ઉપરાંત સેમીફાઈનલમાં હારનારી બન્ને ટીમોને 5.5-5.5 કરોડ રૂપિયા આપવામાં આવ્યા હતાં. ક્રિકેટ વર્લ્ડ કપના ઈતિહાસમાં પહેલીવાર આટલી મોટી ઈનામી રકમ દાવ પર હતી.