ઓસ્ટ્રેલિયા સામેની બીજી ટેસ્ટમાં ભારતના કયા બે ખેલાડીઓ મેદાનમાં જ ઝઘડી પડ્યાં, જાણો વિગત

રવિન્દ્ર જાડેજા સબસ્ટિટ્યુટ તરીકે આ મેચમાં ફિલ્ડિંગ કરવા આવ્યો હતો ત્યારે આ ઘટના બની હતી.

સોશિયલ મીડિયા પર વાયરલ થયેલા વીડિયોમાં જોઈ શકાય છે કે ઈશાંત શર્મા અને રવિન્દ્ર જાડેજા વચ્ચે કોઈ બાબતે ઉગ્ર બોલાચાલી થઈ રહી છે. ત્યાર બાદ કુલદીપ યાદવ અને શામી વચ્ચે પડીને બંનેને દુર મોકલી આપે છે.

ભારત અને ઓસ્ટ્રેલિયાની બીજી ટેસ્ટ દરમિયાન ફિલ્ડિંગ કરતી વખતે રવિન્દ્ર જાડેજા અને ઈશાંત શર્મા મેદાન પર જ કોઈ કારણસર ઝઘડી ગયા હતા જેનો વીડિયો પણ વાયરલ થયો છે.

પર્થ ટેસ્ટમાં ભારતને ઓસ્ટ્રેલિયા સામે કારમી હારનો સામનો કરવો પડ્યો હતો. જોકે ભારતીય ટીમના બેટ્સમેનોનો વધુ એક વિવાદનો કિસ્સો સામે આવ્યો છે. બે ખેલાડીઓ ગ્રાઉન્ડ પર જ ઝઘડી પડ્યા હતાં.