રોહિત પત્ની ઋતિકા નહીં પણ આ ખાસ પ્રાણીને સમર્પિત કરી પોતાની સેન્ચુરી, જાણો કેમ

આ નર ગેંડો બે જીવીત માદા ગેંડાઓની મદદથી વિલુપ્ત થઈ રહેલી આ પ્રજાતિને બચાવવાના એક મહત્વકાંક્ષી પ્રયાસનો એક ભાગ હતો. સુડાન ખૂબ જ લોકપ્રિય હતો અને તેને જોવા માટે હજારોની સંખ્યામાં લોકો આવતા હતા. તેની સુરક્ષામાં ઘણા ગાર્ડ્સ પણ તેનાત કરવામાં આવ્યા હતા.

સુડાન દુનિયાનો છેલ્લો નર ગેંડો હતો, જે 45 વર્ષની ઉંમરે આ જ વર્ષે માર્ચમાં મૃત્યુ પામ્યો હતો. જણાવામાં આવે છે કે, ઉંમર સંબંધિત બીમારીને કારણે સુડાનની માંશપેશીઓ અને હાડકાં નબળાં પડી ગયા હતા. એટલું જ નહીં તેની ત્વચા પર ઘણા ઘા પણ પડ્યાં હતા.

રોહિતે લખ્યું કે, ‘મારા દ્વારા રમવામાં આવેલી ઈનિંગ મારા દોસ્ત સુડાનને સમર્પિત છે. આપણે બધા મળીને આ દુનિયાને રહેવા માટે વધુ સારી બનાવી શકીએ તો સારું.’ રોહિતની આ ટ્વીટ લોકો ખૂબ પસંદ કરી રહ્યાં છે અને થોડા જ સમયમાં હજારો લોકો તેને લાઈક તથા શેર કરી ચૂક્યાં છે.

નવી દિલ્હીઃ રોહિત શર્માની ધમાકેદાર સેન્ચુરીના જોરે ટીમ ઇન્ડિયાએ ઇંગ્લેન્ડને 7 વિકેટે હરાવીને 3 મેચની ટી20 સીરીઝ 2-1થી જીતી લીધી હતી. આ મેચમાં ટીમ ઇન્ડિયાના ઓપર બેટ્સમેન રોહિત શર્માએ અણનમ 56 બોલમાં 11 ચોગ્ગા અને 5 છગ્ગાની મદદથી 100 રન બનાવ્યા હતા. રોહિત શર્માએ પોતાની આ યાદગાર સેન્ચુરીને પોતાના સૌથી ખાસ મિત્ર ‘સુડાન’ને સમર્પિત કરી હતી. ‘સુડાન’ ગેંડાનું નામ છે જે હવે આ દુનિયામાં નથી.