ખરાબ ફોર્મ નહીં પણ આ કારણે રોહિત શર્માને બીજી ટેસ્ટમાંથી કરી દેવાયો બહાર, જાણો વિગતે

રોહિત શર્માને બીજી ટેસ્ટમાંથી બહાર કરવા પાછળ લોકો તેના ખરાબ ફોર્મને આગળ ધરે છે પણ આ વાત તદ્દન ખોટી છે. જોકે, રોહિત શર્માની સાથે સાથે રવિચન્દ્રન અશ્વિનને પણ બીજી ટેસ્ટમાંથી બહાર કરાયો છ.

પર્થઃ ભારત અને ઓસ્ટ્રેલિયા સામે 14 ડિસેમ્બરના રોજ બીજી ટેસ્ટ પર્થના મેદાનમાં રમાવવાની છે. ભારતીય ટીમે પહેલી ટેસ્ટમાં ઓસ્ટ્રેલિયાને 31 રને માત આપીને 1-0 થી લીડ મેળવી લીધી છે. બીજી ટેસ્ટમાંથી વિસ્ફોટક બેટ્સમેન રોહિત શર્માને બહાર કરી દેવાયો છે.

ઉલ્લેખનીય છે કે, રોહિત શર્માએ એડિલેડ ટેસ્ટમાં પહેલી ઇનિંગમાં 37 રન અને બીજી ઇનિંગમાં 1 રનની ઇનિંગ રમી હતી.

બીસીસીઆઇએ એક સ્ટેટમેન્ટમાં કહ્યું કે, રોહિત શર્મા એડિલેડ ટેસ્ટમાં ફિલ્ડીંગ કરતી વખતે પીઠના નીચેના ભાગે ઇજા પહોંચી હતી. જેની હાલમાં સારવાર ચાલી રહી છે, અને આ કારણે બીજી ટેસ્ટમાં સામેલ કરવામાં નથી આવ્યો.