10 ઓવરમાં માત્ર 10 રન આપી 8 વિકેટ ઝડપી, આ ખેલાડીએ તોડ્યો વર્લ્ડ ક્રિકેટનો રેકોર્ડ
નવી દિલ્હી: ક્રિકેટની દુનિયામાં અવાર નવાર નવા રેકોર્ડ બનતા રહે છે. તેવી જ રીતે ઝારખંડના ડાબડી સ્પિનર શાહબાઝ નદીમે ગુરવારે બોલરોની યાદીમાં એ ક્રિકેટમાં મોટા રેકોર્ડ નોંધાવ્યો છે. નદીમે વિજય હજારે ટ્રોફીમાં રાજસ્થાન વિરુદ્ધ માત્ર 10 રન આપી 8 વિકેટ ઝડપી આ રેકૉર્ડ પોતાના નામે કર્યો છે.
નદીમ લિસ્ટ એ ક્રિકેટમાં સૌથી ઓછા રન આપી સર્વાધિક વિકેટ લેનારો બોલર બની ગયો છે. તેમણે દિલ્હીના રાહુલ સંઘવીનો રેકોર્ડ તોડ્યો છે. જેણે 1997-98 સીઝનમાં હિમાચલ પ્રદેશન વિરુદ્ધ 15 રન આપી 8 વિકેટ ઝડપી હતી.
નદીમની બોલિંગની વાત કરીએ તો તેણે 10 ઓવરમાં 4 મેડન ઓવર અને 10 રન આપી 8 વિકેટ ઝડપી હતી.
ઉલ્લેખનીય છે કે સીમિત ઓવર ક્રિકેટમાં સૌપ્રથમ 8 વિકેટ લેવાનું કારનામું કીથ બોયસે કર્યું હતું. 1971માં કીથે 26 રન આપી 8 વિકેટ ઝડપી હતી. ત્યાર બાદ ડેરેક અંડરવુડ છે. જેણે 1987માં 31 રન આપી 8 વિકેટ ઝડપી હતી.
વનડે ક્રિકેટમાં આ રેકોર્ડ શ્રીલંકાના પૂર્વ મહાન ફાસ્ટ બોલર ચામિન્ડા વાસના નામે છે. જેણે ઝિમ્બાવે વિરુદ્ધ કોલંબોમાં 8 ડિસેમ્બરે 2001માં 19 રન આપી 8 વિકેટ લીધી હતી.