ફરી જોવા મળી સૌરવ ગાંગુલીની 'દાદાગિરી', જુઓ આ તસવીર....

આજથી શરૂ થઈ રહેલ ચેમ્પિયન ટ્રોફી પહેલા થયેલ ટૂર્નામેન્ટના તમામ કમેન્ટેટર્સના ફોટોશૂટમાં સૌરવ ગાંગુલી અલગ જ અંદાજમાં જોવા મળ્યા. ફોટોશૂટમાં તમામ કમેન્ટેટર્સ લગભગ એક જ જેવા ડ્રેસ પહેરીને આવ્યા હતા, પરંતુ ગાંગુલી તમામ કરતાં અલગ હતા. ગ્રેમ સ્મિથ, સંજય માંજરેકર, રિકી પોન્ટિંગ, રમીજ રાજા સહિત અન્ય અનેક કમેન્ટેટર્સે બ્લેક કોટ-પેન્ટ પહેર્યા હતા, પરંતુ સૌરવ ગાંગુલી ક્રીમ કલરના સૂટમાં જોવા મળ્યા. આઈસીસી તરફતી તમામ કમેન્ટેટર્સની એક સેલ્ફી પણ પોસ્ટ કરવામાં આવી છે.

લંડનઃ પૂર્વ કેપ્ટન સૌરવ ગાંગુલી હંમેશા જ પોતાની દાદાગિરી માટે જાણીતા છે. ગાંગુલી હવે ક્રિકેટ રમતા નથી, ત્યારે પણ લોકો તેમના આક્રમક વલણના ફેન હતા. હવે એક એવો જ નજારો ચેમ્પિયન ટ્રોફીમાં ફરી જોવા મળ્યો છે.

તમને જણાવીએ કે, સૌરવ ગાંગુલીની કારકિર્દી દરમિયાન એવા ઘણી સ્થિતિ આવી જ્યારે તેની દાદાગિરીની કિસ્સા જાણીતા થયા છે. ભારત-પાકિસ્તાનમાં મેચ દરમિયાન મોહમ્મદ યુસુફને ધમકાવો કે તુ સમય નોંધી લે, મને કોઈ વાંધો નથી. કે પછી ઓસ્ટ્રેલિયાના દિગ્ગજ કેપ્ટન સ્ટીવ વોને ટોસ માટે રાહ જોવડાવવી. ગાંગુલીનું લોર્ડ્સ મેદાન પર ટી-શર્ટ લહેરાવવું જાણીતા કિસ્સામાંથી એક રહ્યા છે.