ઢાકા: બાંગ્લાદેશ પ્રીમિયર લીગમાં ઢાકા પલટન ટીમ તરફથી રમી રહેલા થીસારા પરેરાએ શાનદાર પ્રદર્શન કર્યું છે. આક્રમક બેટિંગ કરતા પરેરાએ 17 બોલમાં 42 રન ફટકાર્યા હતા. બાદમાં બોલિંગ કરતા 5 વિકેટ પણ ઝડપી હતી. ઢાકા પલટન તરફથી બનાવવામાં આવેલ 180 રનના જવાબમાં કુમીલા વોરિયર્સ ટીમ એક સમયે જીત તરફ આગળ વધી રહી હતી ત્યારે પરેરાએ બોલિંગમાં શાનદાર પ્રદર્શન કરી ટીમને મેચ જીતાડી હતી.

ઢાકા પલટને પ્રથમ બેટિંગ કરવા ઉતરી હતી. ટીમના વિકેટકીપર બેટ્સમેન અનામુલ હક પ્રથમ જ બોલ પર આઉટ થઈ ગયા હતા. ત્યાર બાદ તામિલ ઇકબાલે મેહંદી હસન, થીસારા પરેરા સાથે ઇનિંગ આગળ વધારી હતી. તામિલ ઇકબાલે 53 બોલમાં 6 ચોગ્ગા અને 4 સિક્સરની મદદથી 74 રન બનાવ્યા હતા.

181 રનના ટાર્ગેટનો પીછો કરવા ઉતરેલી કુમીલા વોરિયર્સ ટીમની શરૂઆત ખરાબ રહી હતી. શરૂઆતમાં જ બે વિકેટ ગુમાવી દિધી હતી. ડેવિડ મલાન અને સૌમ્યા સરકારે ઇનિંગને આગળ વધારી હતી.