ભારત અને સાઉથ આફ્રિકા વચ્ચે રમાઈ રહેલી બીજી ટેસ્ટ મેચ દરમિયાન એક દર્શક સુરક્ષા ઘેરો તોડીને મેદાનમાં ઘૂસી ગયો હતો. આ યુવક ટીમ ઈન્ડિયાના સ્ટાર બેટ્સમેન રોહિત શર્માને મળવા પહોંચ્યો હતો.
જ્યારે રોહિત સ્લિપમાં ફીલ્ડિંગ કરી રહ્યો હતો ત્યારે આ યુવક મેદાનમાં દોડી આવ્યો હતો અને સીધો રોહિત પાસે પહોંચી ગયો હતો ત્યાર બાદ પગે લાગવાની કોશિશ કરી રહ્યો હતો.
રોહિત શર્મા આ માટે તૈયાર નહોતો અને ઘટના દરમિયાન બચતાં તે પડી ગયો હતો. આ દ્રશ્ય જોઈ નજીક ઉભેલો અજિંક્ય રહાણે હસવા લાગ્યો હતો. તેની સાથે અન્ય ખેલાડી અને દર્શક પણ હસવા લાગ્યા હતાં.
અંતે સુરક્ષા ગાર્ડે તે યુવકને પકડી મેદાનની બહાર લઈ જવાયો હતો. આ ઘટનાની કેટલીક તસવીરો સોશિયલ મીડિયામાં વાયરલ થઈ હતી.