નવી દિલ્હીઃ આજે વર્લ્ડ કપ માટે ટીમ ઇંગ્લેન્ડ રવાના થઈ ગઈ છે. આ પહેલા ટીમ ઇન્ડિયાના કોચ રવિ સાસ્ત્રીએ શિરડીમાં સાંઈ બાબાના દર્શન કર્યા હાત. કોચ રવિ સાસ્ત્રીની સાથે ટીમના ફીલ્ડિંગ કોચ આર. શ્રીધરે પણ સાંઈ બાબાના દર્શન કરીને વર્લ્ડ કપ મિશન માટે આશીર્વાદ લીધા અને જીતની પ્રાર્થના કરી હતી.



ટીમના ફીલ્ડિંગ કોચ આર.શ્રીધરે પોતાના ટ્વીટર એકાઉન્ટ પર સાંઈ બાબાના દર્શન અને પોતાના વિમાનની તસવીર પોસ્ટ કરી આ જાણકારી શેર કરી. કોચ શાસ્ત્રી અને શ્રીધર શિરડી માટે ગૌતમ સિંઘાનિયાના પ્રાઈવેટ વિમાનથી અહીં પહોંચ્યા હતા. આના માટે શ્રીધરે ગૌતમ સિંઘાનિયાને ધન્યવાદ પણ કહ્યું.


વર્લ્ડ કપ માટે રવાના થતા પહેલા ટીમ માટે સારા સમાચાર એ આવ્યા છે કે, ઑલરાઉન્ડર કેદાર જાધવે પોતાનો ફિટનેસ ટેસ્ટ પાસ કરી લીધો છે અને તે ટીમ સાથે મિશનમાં જોડાવા માટે પૂરી રીતે ફિટ છે. કેદાર IPLમાં કિંગ્સ ઈલેવન પંજાબ વિરુદ્ધ રમતી વખતે ઈજાગ્રસ્ત થયો હતો.