ખરેખરમાં, જ્યારે ભારતીય ટીમ બીજા દિવસે બેટિંગ કરી રહી હતી. 458 રને 6 વિકેટ પડી ગઇ હતી. ત્યારે ક્રિઝ પર રવિન્દ્ર જાડેજા અને રિદ્ધિમાન સાહા બેટિંગ કરી રહ્યાં હતા. ત્યારે વિરાટે જાડેજાને ખાસ ઇશારો કર્યો.
ડ્રેસિંગ રૂમમાં બેઠેલા વિરાટે જાડેજાને ઇશારો કરીને બતાવ્યુ કે 9 ઓવર હજુ રમવાની છે, અને રનોની ગતિ વધારો. સામે વિરાટના ઇશારાને જવાબ આપતા જાડેજાએ પણ ઇશારો કરીને ઓકે કહ્યું હતુ.
નોંધનીય છે કે, પહેલા પ્રથમ બેટિંગ કરતાં ભારતીય ટીમે 136 ઓવર રમીને 502/7 પ્રથમ ઇનિંગ ડિકલેર કરી દીધી હતી. ભારત તરફથી મયંક અગ્રવાલે ડબલ સેન્ચૂરી ફટકારી હતી.
પ્રથમ બેટિંગ કરવા ઉતરેલી ભારતીય ટીમ તરફથી ઓપનિંગ જોડીએ શાનદાર શરૂઆત અપાવતા પ્રથમ વિકેટ માટે 317 રનની પાર્ટનરશીપ કરી હતી. જેમાં મયંક અગ્રવાલે તાબડતોડ ડબલ સેન્ચૂરી - 215 રન (371) અને રોહિત શર્માએ 176 રન (244) બનાવ્યા હતા.