કોહલી વિપક્ષ ટીમને સૌથી વધુ વખત ફોલોઓન આપનાર ભારતીય કેપ્ટન બની ગયો છે. તેણે મોહમ્મદ અઝહરુદ્દીનના ભારતીય રેકોર્ડને તોડ્યો હતો. અઝહરુદ્દીને સાત વખત વિરોધી ટીમને ફોલોઓન આપ્યું હતુ. કેપ્ટનની કોહલી તરીકે આ 51મી ટેસ્ટ મેચ છે. જ્યારે અઝહરે 47 મેચમાં ભારતીય ટીમની કેપ્ટનશીપ કરી છે. ધોનીએ 60 મેચમાં પાંચ વખત અને સૌરવ ગાંગુલીએ 49 મેચમાં ચાર વખત ફોલોઓન આપ્યું છે.
ભારતે સોમવારે સાઉથ આફ્રિકા વિરુદ્ધ 335 રનની લીડ મેળવી છે. પ્રથમ ઇનિંગના આધાર પર આ સાઉથ આફ્રિકા વિરુદ્ધ ભારતની બીજી સૌથી મોટી લીડ છે. આ અગાઉ 2009-10માં કોલકત્તા ટેસ્ટમાં ભારતે સાઉથ આફ્રિકા વિરુદ્ધ 347 રનની લીડ હાંસલ કરી હતી.