ફિટનેસને લઈ કોહલીએ વ્યક્ત કરી ચિંતા, કહ્યું- કામનો બોજ ઘણો છે, શરીર પર પડી રહ્યો છે ભારે

વિરાટ કોહલી ફિટનેસને લઈ ઘણો સજાગ છે. તે ટીમના અન્ય સાથીઓને પણ ફિટનેસ પર ધ્યાન આપવાનું વારંવાર કહેતો હોય છે.

હું ઘણા લાંબા સમયથી સતત રમી રહ્યો છું. મેં ભાગ્યે જ કોઈ મેચ ગુમાવી છે. તમારે તમારા શરીરનું સન્માન કરવાનું હોય છે અને મારા માટે આ સમય ખૂબ જ મહત્વપૂર્ણ છે.

કોહલીએ કહ્યું કે, રોજર ફેડરર મારો ફેવરિટ ખેલાડી છે. તેનો પરિવાર છે, પ્રાથમિકતા નક્કી છે, તે લોકોના અભિપ્રાય અને આલોચનાની ચિંતા કર્યા વગર રમતમાંથી સમય કાઢે છે અને તમામ દલીલોને નકારીને 36 વર્ષની ઉંમરે ગ્રાન્ડસ્લેમ પણ જીતે છે. મને તેમની આ વાત ગમે છે.

વિરાટે કહ્યું કે, હાલ હુ મેચ નથી જોતો પરંતુ મેચ અને તેના પરિણામો પર નજર રાખી રહ્યો છું. મારે મેદાન પર હોવું જોઈએ તેમ નથી લાગતું કારણકે મેં મારા શરીરની જરૂરિયાતને સમજવાનું શરૂ કરી દીધું છે. અને જ્યારે સમય પૂરો થઈ જશે ત્યારે નિશ્ચિત રીતે આઈપીએલમાં હું વધારે ફ્રેશ થઈ જઈશ.

એક કાર્યક્રમ દરમિયાન ટીમ ઈન્ડિયાના કેપ્ટન વિરાટ કોહલીએ કહ્યું કે, આરામ નવા પડકારોનો સામનો કરવા તથા ઇજામાંથી મુક્ત થવામાં મદદ કરે છે. જેની શરૂઆત આઈપીએલથી થશે.

નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલીએ કહ્યું છે કે, હવે શરીરને સંભાળવાનો સમય આવી ગયો છે. શ્રીલંકામાં રમાઇ રહેલી નિદાહાસ ટ્રોફીમાં આરામ આપવામાં આવ્યા બાદ કોહલીએ કહ્યું કે, શારીરિક રીતે હળવી ઈજા છે. હવે તેમાંથી મુક્ત થઈ રહ્યો છે. કામનો બોજ ઘણો છે અને તેની અસર પણ જોવા મળી રહી છે. આ કારણે વધારે સજાગ રહેવું પડશે.