ઝીરો પર આઉટ થઈને પણ વિરાટ કોહલીએ બનાવ્યો અનોખો રેકોર્ડ, તમે પણ જાણીને ચોંકી જશો

વિરાટ કોહલી શ્રીલંકા વિરૂદ્ધ રમાઈ રહેલ પ્રથમ ટેસ્ટ મેચની પ્રથમ ઈનિંગમાં સુરંગા લકમલના બોલ પર ઝીરો પર આઉટ થયા હતા. કેપ્ટન તરીકે કપિલ દેવે પણ 1983ના કેલેન્ડર વર્ષમાં 5 વખત આઉટ થયા હતા.

કોલકાતાઃ શ્રીલંકા વિરૂદ્ધ રમાઈ રહેલ ત્રણ મેચની ટેસ્ટ સીરીઝના પ્રથમ ટેસ્ટ મેચનો પ્રથમ દિવસ ટીમ ઇન્ડિયા માટે ખૂબ જ નિરાશાજનક રહ્યો. વરસાદને કારણે ટોસમાં મોડું થયું અને કેપ્ટન કોહલીને ટોસ હારવાને કારણે ઘણું નુકસાન ઉઠાવવું પડ્યું. પહેલા બેટિંગ કરવા ઉતરેલ ટીમ ઇન્ડિયાએ માત્ર 17 રનના સ્કોર પર ત્રણ મહત્ત્વપૂર્ણ વિકેટ ગુમાવી દીધી હતી.

ઓપનર્સ બેટ્સમેન કેએલ રાહુલ ઝીરો અને શિખર ધન 8 રન બનાવીને આઉટ થયા હતા. જ્યારે કેપ્ટન વિરાટ કોહલી પણ ઝીરોમાં આઉટ થતા એક અનોખો રેકોર્ડ બનાવ્યો હતો. વિરાટ કોહલીએ એક એવો રેકોર્ડ બનાવ્યો જેના દ્વારા તેમણે પૂર્વ વર્લ્ડ કપ વિજેતા કેપ્ટન કપિલ દેવની બરાબરી કરી લીધી છે.

વિરાટ કોહીલ ઇન્ટરનેશનલ ક્રિકેટમાં કેપ્ટન તરીકે એક કેલેન્ડર વર્ષ 2017માં એક-બે નહીં પણ પાંચ વખત શૂન્ય પર આઉટ થયા છે. આમ કરીને તેણે કપિલ દેવની બરાબરી કરી છે.