વિરાટે શનિવારે ટ્વિટર પર એક વીડિયો શેર કર્યો, જેના કેપ્શનમાં તેણે કહ્યું, “ક્યારેય ન કરવા કરતાં સારું છે, મોડા કરી લેવું. હેશાટેગ બોટલ કેપ ચેલેન્જ.”
15 સેકન્ડ લાંબા વીડિયોમાં કોહલીએ બેટ પકડેલું છે અને બોટલ સામે જોઇ રહ્યો છે. ત્યારબાદ બેટથી બોટલની કેપ ખોલે છે. આ વીડિયોની સૌથી મજાની વાત તો એ છે કે, બેકગ્રાઉન્ડમાં કોહલીએ ભારતીય ટીમના હાલના કોચ રવિ શાસ્ત્રીની કમેન્ટ્રીનો ઉપયોગ કર્યો છે. કોહલી અત્યારે વેસ્ટઈન્ડીઝમાં ભારતીય ટીમ સાથે હાજર છે અને રવિવારે બંને ટીમો વચ્ચે ત્રણ વનડે મેચની સીઈઝની બીજી મેચ રમાઇ.