બાઈડેનના હાથે મળેલી હાર પર ટ્રંપને સેહવાગે કર્યા ટ્રોલ, જણાવ્યું કે, શા માટે તેમને યાદ કરશે?
એબીપી અસ્મિતા વેબ ટીમ | 08 Nov 2020 02:37 PM (IST)
જો બાઈડેને શનિવારે રિપબ્લિકન ઉમેદવાર અને વર્તમાન રાષ્ટ્રપતિ ડોનાલ્ડ ટ્રંપને હરાવી રાષ્ટ્રપતિની ચૂંટણીમાં જીત મેળવી હતી. તેમણે 290 ઈલેક્ટોરલ વોટ મેળવ્યા હતા. પૂર્વ ઉપરાષ્ટ્રપતિ જો અમેરિકાના ઈતિહાસમાં 78 વર્ષની વયના સૌથી મોટી ઉંમરના રાષ્ટ્રપતિ બનશે.
નવી દિલ્હી: અમેરિકાના રાષ્ટ્રપતિ ડોનાલ્ડ ટ્રંપને જો બાઈડેન વિરુદ્ધ મળેલી હાર બાદથી જ સોશિયલ મીડિયા પર ટ્રોલ થઈ રહ્યાં છે. ભારતના દિગ્ગજ ક્રિકેટર વિરેન્દ્ર સેહવાગે ટ્રંપને મળેલી હાર પર મશ્કરી કરી છે. સેહવાગનું કહેવું છે કે, તેઓ ટ્રંપની કૉમેડીને ખૂબજ યાદ કરશે. સેહવાગે ટ્રંપની ફોટો ટ્વીટ કરીને લખ્યું કે, “આપણાવાળા બરાબર જ છે, ચાચા ની કૉમેડી યાદ આવશે.”