ગુજરાતના મુખ્યમંત્રી વિજય રૂપાણીએ ધોનીની નિવૃત્તિને લઈને જણાવ્યું હતું કે, નાના શહેરના ટીકિટ કલેક્ટરથી લઈ ભારતીય ટીમના કપ્તાન સુધીની મહેન્દ્રસિંહ ધોનીની યાત્રા યુવાનોને પ્રેરણા આપનારી છે.
વધુમાં તેમણે વધુમાં કહ્યું હતું કે, કઠોર મહેનત અને નિશ્ચયથી તેમણે સાબિત કરી દીધું કે જીવનમાં કોઇપણ બાબત અસંભવ નથી. ભારતીય ક્રિકેટમાં પોતાના યોગદાન અને વર્લ્ડકપ વિજય માટે ધોની હંમેશા યાદ રહેશે.
ટીમ ઈન્ડિયાના પૂર્વ કેપ્ટન અને વિકેટકિપર બેટ્સમેન મહેન્દ્ર સિંહ ધોનીએ નિવૃત્તિની જાહેરાત કરી છે. ભારતના સૌથી સફળ કેપ્ટન પૈકીનો એક ધોની ગત વર્ષે ન્યૂઝીલેન્ડ સામે રમાયેલી સેમી ફાઈનલમાં છેલ્લી વખત ટીમ ઈન્ડિયા તરફથી રમ્યો હતો.
ધોનીએ ઈન્સ્ટાગ્રામ પર ક્રિકેટથી સંન્યાસની જાહેરાત કરી છે. તેણે ઈન્સ્ટાગ્રામ પર ચાર મિનિટનો એક વીડિયો પોસ્ટ કર્યો છે. જેમાં તેના ક્રિકેટ જીવનકાળની ઝલક નજરે પડે છે અને બેક ગ્રાઉન્ડમાં એક ગીત વાગી રહ્યું છે. ઈન્સ્ટા પોસ્ટમાં તેણે કહ્યું, હવે મને રિટાયર માની લો. સપોર્ટ કરવા માટે ફેંસનો આભાર.