લંડનઃ વર્લ્ડકપ 2019માં આજે 32મો મુકાબલો ઈંગ્લેન્ડ અને ઓસ્ટ્રેલિયા વચ્ચે રમાઈ રમાયો હતો.  ઓસ્ટ્રેલિયાએ મેચ જીતવા આપેલા 286 રનના લક્ષ્યાંક સામે ઈંગ્લેન્ડ 44.4 ઓવરમાં 221 રનમાં જ ઓલઆઉટ થઈ જતાં ઓસ્ટ્રેલિયાને 64 રનથી વિજય થયો હતો. ઈંગ્લેન્ડ તરફથી બેન સ્ટોક્સે 89 રન બનાવ્યા હતા. આ સિવાયના કોઈ બેટ્સમેનો લાંબી ઈનિંગ રમી શક્યા નહોતા. ઓસ્ટ્રેલિયા તરફથી જેસન બેહરેનડોર્ફ 44 રનમાં 5 અને મિશેલ સ્ટાર્કે 43 રનમાં 4 વિકેટ લીધી હતી. જીત સાથે જ ઓસ્ટ્રેલિયા પોઇન્ટ ટેબલમાં ટોચ પર પહોંચી ગયું છે અને સેમી ફાઇનલ માટે ક્વોલિફાય થઈ ગઈ છે. આ પહેલાં મેચમાં ઈંગ્લેન્ડે ટોસ જીતીને ઓસ્ટ્રેલિયાને પ્રથમ બેટિંગ કરવા આમંત્રણ આપ્યું હતું. ઓસ્ટ્રેલિયાએ 50 ઓવરમાં 7 વિકેટના નુકસાન પર 285 રન બનાવ્યા હતા. કેપ્ટન ફિંચે 100 રન બનાવ્યા હતા. તેણે આ વર્લ્ડકપમાં બીજી સદી ફટકારી હતી. વોર્નર-ફિંચની જોડીએ પ્રથમ વિકેટ માટે 123 રનની ભાગીદારી કરી હતી. ઈંગ્લેન્ડ તરફથી ક્રિસ વોક્સે 2 વિકેટ લીધી હતી. જોફ્રા આર્ચર, માર્ક વુડ, બેન સ્ટોક્સ, મોઈન અલીને 1-1 વિકેટ મળી હતી. સારી શરૂઆતનો ફાયદો ન ઉઠાવી શક્યું ઓસ્ટ્રેલિયા ઓસ્ટ્રેલિયાના ઓપનરોએ શાનદાર શરૂઆત અપાવ્યા બાદ ટીમના મિડલ ઓર્ડરના બેટ્સમેનો સારો દેખાવ કરી શક્યા નહોતા. ઈંગ્લેન્ડના બોલરોએ રન કરવાની તક ન આપતાં નિયમિત અંતરે વિકેટ ગુમાવતાં ઓસ્ટ્રેલિયા 300 રન સુધી પણ પહોંચી શક્યું નહોતું. ઓસ્ટ્રેલિયા: ડેવિડ વોર્નર, આરોન ફિન્ચ(કેપ્ટન) , ઉસ્માન ખ્વાજા, સ્ટીવ સ્મિથ, ગ્લેન મેક્સવેલ, માર્કસ સ્ટોઈનિસ, એલેક્સ કેરી(વિકેટકીપર), પેટ કમિન્સ, મિચેલ સ્ટાર્ક, નેથન લાયન અને જેસન બેહરેનડોર્ફ ઇંગ્લેન્ડ: જોની બેરસ્ટો, જેમ્સ વિન્સ, જો રૂટ, ઓઇન મોર્ગન(કેપ્ટન), બેન સ્ટોક્સ, જોસ બટલર(વિકેટકીપર), મોઇન અલી, ક્રિસ વોક્સ, જોફ્રા આર્ચર, માર્ક વુડ અને આદિલ રાશિદ