હેઝલે લખ્યું કે, મેં ઘણા દિવસોથી સોશિયલ મીડિયા પર કંઇ પોસ્ટ કર્યું નથી. હું ક્યાં છુપાઇ ગઇ હતી તે અંગે જણાવવા માંગુ છું. એક મહિના પહેલા મેં નાકની સર્જરી કરાવી હતી. મને શ્વાસ લેવામાં તકલીફ થતી હતી. આ કોઇ ગંભીર ઇસ્યુ નહોતો પરંતુ ખબર પડ્યા બાદ તેની સારવાર કરાવવી જરૂરી હતી.
હેઝલે તેની સાસુનો આભાર માનતા લખ્યું કે, તેમની સાથે હોસ્પિટલમાં ચેકઅપ માટે ગઇ ત્યારે સમસ્યાની ખબર પડી. મારા નાકની અંદર ખૂબ મોટું ડેમેજ થયું હતું. હવે મારું નાક અંદરથી એકદમ નવું છે. હું આરામથી શ્વાસ લઇ શકું છું.
સર્જરીના કારણે એક્સરસાઇઝ કરવાનું બંધ થઇ ગયું હતું. આ કારણે મારું વજન પહેલા કરતાં વધી ગયું છે. હું મારી સાસુનો આભાર માનવા ઇચ્છું છું. તેમના આશીર્વાદથી હવે હું પૂર્ણ રીતે ઠીક થઈ ગઇ છું.
2016માં યુવરાજ સિંહ અને હેઝલ કીચે લગ્ન કર્યા હતા.