નવી દિલ્હીઃ સ્માર્ટફોન મેકર કંપની OnePlus પોતાના લેટેસ્ટ મૉડલ OnePlus 9 Pro પર ડિસ્કાઉન્ટ આપી રહી છે. વનપ્લસના આ ફોન પર લગભગ ત્રણ હજાર રૂપિયા સુધીનુ ડિસ્કાઉન્ટ આપવામાં આવી રહ્યું છે. જો તમે આ ફોનને સસ્તી કિંમતે ખરીદવા ઇચ્છતા હોય તો કંપનીની ઓફિશિયલ વેબસાઇટ અને અમેઝોન પરથી ઓર્ડર કરી શકો છો. ફોનમાં ક્વાડ કેમેરા સેટઅપ આપવામા આવ્યો છે. જેમાં 48 અને 50 મેગાપિક્સલનો કેમેરો સામેલ છે. જાણો આ ફોનમાં શું છે ખાસિયતો........
આ છે ઓફર્સ-
OnePlus 9 Pro સ્માર્ટફોનનુ પેમેન્ટ જો તમે HDFC બેન્કના કાર્ડથી કરો છો, તો તમને ત્રણ હજાર રૂપિયાનુ ડિસ્કાઉન્ટ આપવામાં આવશે. આ છૂટ બાદ ફોનના 8GB રેમ અને 128GB ઇન્ટરનલ સ્ટૉરેજ વાળા વેરિએન્ટને તમે 61,999 રૂપિયામાં ઓર્ડર કરી શકશો. વળી ડિસ્કાઉન્ટ મળવા પર આના 12GB રેમ અને 256GB ઇન્ટરનલ સ્ટૉરેજ વાળા મૉડલની 66,999 રૂપિયાની થઇ ગઇ છે. એટલું જ નહીં કેટલાક સિલેક્ટેડ કાર્ડની મદદથી ફોન પર 3000 રૂપિયા પ્રતિ માહની EMI ઓપ્શન પણ અવેલેબલ છે. સાથે જ સ્માર્ટફોનની ખરીદી પર 11,000 રૂપિયા સુધીની છૂટ પણ મળી રહી છે.
સ્પેશિફિકેશન્સ-
OnePlus 9 Proમાં 6.7 ઇંચની QHD+ AMOLED ડિસ્પ્લે આપવામાં આવી છે, જેનુ રિઝૉલ્યૂશન 1440x3216 પિક્સલ છે. આ ફોન પંચ-હૉલ ડિઝાઇનમાં પાતળી બેઝલ આપવામાં આવી છે. ફોન એન્ડ્રોઇડ 11 ઓપરેટિંગ સિસ્ટમ પર બેઝ્ડ Oxygen OS 11 પર કામ કરે છે. આ ફોન ઓક્ટાકૉર સ્નેપડ્રેગન 888 પ્રૉસેસર વાળો છે. આમાં 12 GB રેમ અને 256 GB ઇન્ટરનલ સ્ટૉરેજ આપવામાં આવી છે.
કેમેરા-
ફોટોગ્રાફી માટે OnePlus 9 Proમાં ક્વાડ રિયર સેટઅપ કેમેરા આપવામાં આવ્યો છે. જેનો પ્રાઇમરી કેમેરો 48 મેગાપિક્સલનો છે. સાથે જ 50 મેગાપિક્સલનો અલ્ટ્રા વાઇડ લેન્સ અને 8 મેગાપિક્સલ લેન્સ આપવામાં આવ્યો છે. આ ઉપરાંત ફોનમાં 2 મેગાપિક્સલ મોનોક્રોમ લેન્સ પણ છે. વીડિયો કૉલિંગ માટે ફોનમાં 16 મેગાપિક્સલનો ફ્રન્ટ કેમેરો આપવામાં આવ્યો છે.