BSNLએ 1,999 રૂપિયાવાળા પ્લાનની વેલિડિટી 60 દિવસ વધારી દીધી છે. કંપનીએ કહ્યું કે, આ ઓફર માત્ર 25 ડિસેમ્બરથી 31 જાન્યુઆરી 2020 સુધી ઉપલબ્ધ રહેશે. સાથે જ આ ઓફર તમામ સર્કલમાં ઉપલબ્ધ હશે. 31 જાન્યુઆરી સુધી 1999 રૂપિયાનું રિચાર્જ કરાવનારા ગ્રાહકોને 365 દિવસની જગ્યાએ 425 દિવસની વેલિડિટી મળશે. સાથે જ 1275 જીબી ડેટા મળશે. કંપનીનું કહેવું છે કે, જો કોઈ ગ્રાહક આ પ્લાન લે ચે તો તે બીએસએનએલ ટીવી અને બીએસએનએલ ટ્યૂન્સનો ફ્રીમાં ઉપયોગ કરી શકશે. એટલે કે તેનો ઉપયોગ કરવા માટે કોઈ એક્સ્ટ્રા ચૂકવણી કરવી પડશે નહીં.
જણાવી દઇએ કે હાલમાં જ BSNLએ પોતાના 666 રૂપિયાના પ્લાનમાં પણ ફેરફાર કર્યા હતા. આ પ્લાનમાં ગ્રાહકોને 2 જીબી ડેટા મળતો હતો જેને કંપનીએ વધારી દીધો છે. હવે કંપની ક્રિસમસ ઑફર અંતર્ગત આ પ્લાનના ગ્રાહકોને 3 જીબી ડેટા મળશે. પરંતુ આ ઑફર ફક્ત 31 ડિસેમ્બર સુધી જ ઉપલબ્ધ છે.
કંપનીએ આ પ્લાનમાં બીજીવાર ફેરફાર કર્યો. સરકારે કેટલાંક સમય પહેલાં જ MTNL અને BSNLને મર્જ કરવાની જાહેરાત કરી હતી. જે બાદ કંપનીએ આ પ્લાનમાં ફેરફાર કર્યો હતો. કંપનીએ ફેરફાર કરતાં MTNL નંબર પર ફ્રી વૉઇસ કૉલિંગ આપવાનું શરૂ કર્યુ હતુ. સાથે જ BSNLએ તાજેતરમાં જ ઓવર ધ ટોપ એપ બીએસએનએલ ટીવી લૉન્ચ કર્યુ છે. આ એપની મદદથી ગ્રાહક વીડિયો અને મૂવી જોઇ શકે છે.