એક રિપોર્ટમાં દાવો કરવામાં આવી રહ્યો છે કે ટિકટૉક એપ યૂઝર્સના પર્સનલ ડેટાની ચોરી કરી રહી છે. જેના કારણે યૂઝર્સની પ્રાઇવસી જોખમમાં મુકાઇ છે.
સાયબર સિક્યૂરિટી ફર્મ ચેક પૉઇન્ટના એક રિપોર્ટ પ્રમાણે ટિકટૉક એપમાં કેટલીક ખામીઓ છે, જેમાં હેકર્સ તમારા એકાઉન્ટને કન્ટ્રૉલ કરીને તેમાં રહેલા વીડિયો અને ફોનના ડેટામાં હેરફેર કરી શકે છે. રિપોર્ટમાં એવા પણ દાવો કરવામાં આવ્યો છે કે, ચીની એપ ટિકટૉક યૂઝર્સ માટે સૌથી ખતરનાક બની શકે છે.
ટિકટૉકમાં યૂઝર્સની પ્રાઇવસી જોખમમાં પડી રહી છે, આસાન શબ્દોમાં કહીએ તો જો HTTPમાં આવનારા ટ્રાફિક અનએન્ક્રિપ્ટેડ એટલે કે અસુરક્ષિત હોય તો તેને હેકર્સ આસાનીથી ટ્રેક કરી શકે છે, અને ડેટાની પણ હેરફેર કરી શકે છે. આનો સીધો અર્થ એ પણ છે કે ટિકટૉક યૂઝર્સના ડેટાનો હેકર્સ વૉચ હિસ્ટ્રી સહિત એક્સેસ કરી શકે છે.
અગાઉના એક રિપોર્ટ પ્રમાણે ભારતમાં હાલના લૉકડાઉનના સમયમાં ટુક સમયમાં સૌથી વધુ પ્રમાણમાં ડાઉનલૉડ થનારી એપ ટિકટૉક બની છે. ભારતમાં અત્યારે લગભગ 30 લોકો આ એપનો વપરાશ કરી રહ્યાં છે.